Понеделник, 24 јуни 2019 година
Втор Жан Моне дијалог за мир и демократија во Собрание
На 22 и 23 јуни 2019 година, во Собранието на Република Северна Македонија се одржа Вториот Жан Моне Дијалог за мир и демократија, којшто е инструмент развиен од Европскиот парламент како алатка на меката моќ во областа на парламентарната медијација и дијалог започнат во историскиот дом на Жан Моне.
![](content/dzaferi/ZanMone3.jpg)
Според однапред воспоставената практика и концепт на овој процес, со сесиите копретседаваа претседателот на Собранието на Република Северна Македонија, г. Талат Џафери и европратениците во заминување, г. Вајгл, г. Флекенштајн и г. Кукан, кои се докажани и посветени пријатели на нашата земја на патот кон постигнување на полноправното членство во Европската Унија, а во работата на овој дијалог активно учествуваа, покрај претседателот на Собранието, потпретседателите, координаторите на Пратеничките групи, претставниците на парламентарните партии во Собранието и службите на Собранието, предводени од генералниот секретар на законодавниот дом.
![](content/dzaferi/ZanMone5.jpg)
На крај, учесниците се потпишаа на заклучоците според кои имаат договор да продолжат со дијалогот за имплементација на агендата на ЕУ и на институционалните реформи, како и за пошироки теми од заемен интерес, посветено да обезбедат консензус за клучните области, вклучително и преку редовни средби во рамките на дијалогот Жан Моне со Европскиот парламент. Беше искажана и огромна благодарност за безрезервниот ангажман на европратениците Вајгл, Кукан и Флекенштајн.