E enjte, 6 maj 2021

Fjalimi i Kryetarit Xhaferi në vazhdimin e Trajnimit për përkthim dhe interpretim të organizuar nga Agjencia e Zbatimit të Gjuhës të RMV

Kam nderin dhe kënaqësinë që sot mund t'ju përshëndes në hapësirat e reja të Agjencisë të Zbatimit të Gjuhës të Republikës së Maqedonisë së Veriut, edhe atë, në vazhdimin e evenimentit të radhës së kësaj Agjencie, e cila, do e them me gojën plotë se, prej çastit kur u zyrtarizua me ligj themelimi dhe fillimi me punë i saj, e ka arsyetuar ekzistimin e vet dhe vazhdon edhe më tej, me një vrull për admirim, të zbatojë aktivitetet e duhura për të respektuar dispozitat ligjore dhe të drejtat dhe obligimet kushtetuese të gjithë palëve.

E enjte, 15 prill 2021, Lubjanë

Fjalimi i Kryetarit Xhaferi në Konferencën e 17. Të kryetarëve të parlamenteve të Nismës Adriatiko-Joniane me temën „Drejt shoqërisë digjitale – mundësi dhe rreziqe për gjeneratën më të re që hyn në tregun e punës“

Këtë vit, si edhe vitin e kaluar 2020 kur u përmbushën plot 20 vite nga formimi i kësaj nisme, fokusi është i orientuar kah përmirësimi i zhvillimit dhe përforcimit të sigurisë të vendeve në rajon, thellimi i bashkëpunimit ndërmjet vendeve anëtare, ku edhe Republika e Maqedonisë së Veriut bën pjesë, si vend i cili është në procesin e integrimit në Bashkimin Evropian. 

E shtunë, 27 mars 2021

Urim i kryetarit Xhaferi për njëvjetorin  e anëtarësimit tonë të plotë në NATO

Të nderuar qytetarë,  
Më lejoni që sot, kur shënojmë një vit prej anëtarësimit tonë të plotfuqishëm në Organizatën e Traktatit të Atlantikut-Verior - NATO, të shpreh urime të sinqerta ndaj Jush, ndaj institucioneve të Republikës së Maqedonisë së Veriut, ndaj të gjitha qeverive të kaluara dhe faktorëve poltikë, dhe gjithsesi, ndaj garniturave politike aktuale, pa marrë parasysh nëse janë në pushtet apo opozitë, sepse secili prej tyre, në fushëveprimin e vet, e dha mbështetjen e vet dhe kishte pjesë në statusin që e kemi dhe e gëzojmë sot, gjegjësisht vendi anëtar i 30-të i aleancës më të fuqishme ushtarako-politike, ombrellë e sigurt dhe rojtar i sigurisë së qytetarëve tanë dhe integritetit territorial të Republikës së Maqedonisë së Veriut. 

E premte, 5 mars 2021

Fjalimi i Kryetarit Xhaferi në punëtorinë onlajn me temën Parlamenti i Fëmijëve 

Besoj se për të gjithë ju do të ishte shumë më interesant në rast se kishim mundësi t’ju mirëpresim edhe fizikisht këtu, në ndërtesën e dhomës ligjvënëse, ku për së afërmi do të mund të shihnit dhe të bindeni edhe vetë se ajo që e shihni herë pas here në televizor, në fakt është një realitet i vërtetë i cili zhvillohet aq afër jush, dhe është aq e arritshme për të gjithë ju.

E enjte, 11 shkurt 2021

Fjalimi i Kryetarit Xhaferi në themelimin dhe promovimin e Grupit Ndërpartiak Parlamentar për Mbështetje të të Drejtave të Romëve, për inkluzionin dhe integrimin e tyre në Republikën e Maqedonisë së Veriut   

Më paraqet nder dhe kënaqësi që sot jam i pranishëm në themelimin dhe promovimin e Grupit Ndërpartiak Parlamentar për të Drejtat e Romëve, për inkluzionin dhe integrimin e tyre në Republikën e Maqedonisë së Veriut, që është edhe një grup joformal në vargun e grupeve joformale që u themeluan si vazhdimësi e praktikave të vendosura me legjislaturat paraprake.

E martë, 2 shkurt 2021

Fjalimi i Kryetarit Xhaferi në Takimin e punës të Grupit Ndërpartiak Parlamentar (GNP) 

Më lejoni të shpreh kënaqësinë që sot jemi tubuar këtu në numër kaq të madhe të deputetëve, pjesëtarë të grupeve të ndryshme parlamentare të përfaqësuara në Kuvendin e Republikës së Maqedonisë së Veriut. Shoh kolegë të pushtetit, të opozitës, grupe parlamentare më të mëdha, më të vogla, me ideologji të ndryshme, programe të ndryshme por përsëri, të gjithë këtë të bashkuar për një qëllim të vetëm, respektivisht vënia në jetë dhe vazhdimi i entuziazmit që dominonte gjatë miratimit të Deklaratës për të drejtën në pjesëmarrje politike të qytetarëve me pengesa që është udhërrëfyesi që duhet të ndiqet për të arritur standardet e përbashkëta për realizimin e pjesëmarrjes politike të personave me pengesa, siç është respektimi i Konventës për të drejtat e personave me pengesa, Deklarata e Pekinit dhe platforma për aksion si edhe udhëzimet nga Komenti i përgjithshëm numër 6 për barazi dhe jodiskriminim dhe Komenti i përgjithshëm numër 3 për gratë dhe vajzat me pengesa, i lëshuar nga Komiteti për të drejtat e personave me pengesa pranë Kombeve të Bashkuara. 

E premte, 29 janar 2021

Fjalimi i Kryetarit Xhaferi në Takimin e punës të organizuar nga Enti Shtetëror i Statistikës

Kam kënaqësinë që sot, në prezencën e Presidentit Pendarovski, Kryeministrit Zaev, ministrave kompetent, kryetarit të Bashkësisë së Njësive të Pushtetit Lokal, z. Shilegov, drejtorit Simovski dhe të pranishëm të tjerë, e fillojmë këtë fazë të operacionit të statistikës oficiale, Regjistrimin e popullsisë, ekonomive familjare dhe banesave, gjegjësisht, informimin dhe inkurajimin e qytetarëve për rëndësinë dhe për domethënien e inkuadrimit të tyre dhe të inkuadrimit të gjithë institucioneve në realizimin e suksesshëm të regjistrimit. Kjo, jo vetëm që është e duhur dhe e domosdoshme por është me rëndësi jetike për krijimin e ardhshëm të politikave zhvillimore të vendit, të bazuara mbi të dhënat precize që të mund të bëhen planifikimet makroekonomike që do të jenë në dobi edhe të kërkimeve shkencore dhe tjera, mirëpo, edhe për përparimin e vendit.

E enjte, 28 janar 2021

Fjalimi i Kryetarit Xhaferi në Trajnimin për komunikim me qytetarët 

Më lejoni që shkurtimisht, në emrin tim personal, dhe në emër të kolegëve të mi deputetë të pranishëm në këtë Trajnim për komunikim me qytetarët të shpreh kënaqësinë dhe në të njëjtën kohë mirënjohjen ndaj ambasadorit Klemens Koja dhe Misionit të OSBE-së në Republikën e Maqedonisë së Veriut, për mundësimin e këtij trajnimi i cili për shkak të arsyeve mirë të njohura zhvillohet përmes platformës ZUM, që gjithsesi nuk e zvogëlon rëndësinë dhe nevojën për të njëjtin.    

E mërkurë, 30 dhjetor 2020

Fjalimi i Kryetarit Xhaferi në seancën Konstituive të Klubit të deputeteve 

Më lejoni që në emrin trim personal dhe në emër të deputetëve në Kuvendin e Republikës së Maqedonisë së Veriut, të shpreh kënaqësinë që sot mund të përshëndes konstituimin e përbërjes së re të Klubit të Deputeteve në kuadër të dhomës ligjvënëse, që është trup joformal konsultativ për avancimin e të drejtave dhe pozitës së grave dhe në përbërje të së cilit bëjnë pjesë deputetet e përbërjeve aktuale. Ju uroj të keni mandat me të vërtetë të suksesshëm, që do ju bëjë Ju kolege të nderuara, mirëpo edhe të gjithë ne krenarë dhe të përmbushur.

E hënë, 21 dhjetor 2020

Fjalimi i Kryetarit Xhaferi me rastin e 21 Dhjetorit – Dita e mësimit në gjuhën turke

Kam nderin dhe kënaqësinë që në emrin tim dhe në emër të deputetëve në Kuvendin e Republikës së Maqedonisë së Veriut, kam mundësinë të përshëndes Kryetarin lartë të respektuar të Kuvendit të Madh Nacional të Republikës së Turqisë, mikun tim, z.  Mustafa Shentop dhe anëtarët e nderuar të Delegacionit dhe më lejoni të shfrytëzoj këtë rast dhe Juve koleg i nderuar, të gjithë të pranishmëve në sallë, mirëpo edhe të gjithë bashkëqytetarëve tanë, pjesëtarë të bashkësisë turke, t'ju uroj 21 Dhjetorin, Ditën e mësimit në gjuhën turke në Republikën e Maqedonisë së Veriut, që është për nder të bashkëqytetarëve tanë turq në vend, mirëpo, edhe të gjitha nderimet dhe kujdesin edhe ndaj Republikës së Turqisë, që është miku jonë tradicional, shumëvjeçar dhe i sinqertë.