Понеделник, 27 јули 2009 година
Дваесет и втора седница на Комисијата за економски прашања
Комисијата за економски прашања на Дваесет и втората седница, одржана на 23 јули 2009 година, како матично работно тело ги разгледа Предлог-законот за дополнување на Законот за трговија (второ читање) и Предлог- законот за изменување и дополнување на Законот за трговија (второ читање).
Во однос на Предлог-законот за дополнување на Законот за трговија, во рокот утврден согласно деловникот, не беа поднесени амандмани од овластени предлагачи и Комисијата едногласно му предложи на Собранието да го донесе Законот за дополнување на Законот за трговија.
На дневниот ред на Комисијата, како втора точка беше Предлог-законот за изменување и дополнување на Законот за трговија. Комисијата ги претресе, но не ги усвои поднесените амандмани на овој Предлог-закон.
Врз основа на расправата, Комисијата за економски прашања со мнозинство гласови заклучи Предлог-законот за изменување и дополнување на Законот за трговија да го проследи на натамошна постапка во Собранието на Република Македонија.