Вторник, 1 септември 2009 година
Парламентарното собрание на Советот на Европа со нацрт-резолуции за климатските промени
Комисијата за екологија, земјоделство и локални и регионални прашања на Парламентарното собрание на Советот на Европа на 4 септември во Париз ќе усвои неколку нацрт-резолуции и препораки во врска со климатските промени.
На средбата ќе се разговара за водата како важен фактор за медитеранските земји, новото управување со океанот, како и изготвување на дополнителен протокол кон Европската конвенција за човекови права во однос на правото на здрава средина.
Овие извештаи ќе бидат расправани за време на следнаната пленарна сесија на Собранието од 28 септември до 2 октомври во Стразбур.