Четврток, 18 јуни 2015 година
Дваесет и осма седница на Комисијата за економски прашања
Комисијата за економски прашања на Собранието на Република Македонија, на денешната Дваесет и осма седница, како матично работно тело, во второ читање, ги разгледа:
- Предлог-законот за градежните производи;
- Предлог-законот за изменување и дополнување на Законот за електронска трговија;
- Предлог-законот за дополнување на Законот за концесии и јавно приватно партнерство.
Во рокот утврден со Деловникот на Собранието на Република Македонија по трите Предлог-закони не беа поднесени амандмани од овластени предлагачи.
Комисијата ги проследи истите на натамошна постапка во Собранието на Република Македонија.