Вторник, 23 февруари 2016 година
Педесет и деветта седница на Комисијата за транспорт, врски и екологија
Комисијата за транспорт, врски и екологија на Собранието на Република Македонија, на денешната 59. седница, како матично работно тело по скратена постапка ги разгледа:
- Предлог-закон за изменување и дополнување на Законот за управување со пакување и отпад од пакувањето;
- Предло-закон за изменување и дополнување на Законот за управување со батерии и акумулатори и отпадни батерии и акумулатори;
- Предлог-закон за изменување и дополнување на Законот за управување со отпадот;
- Предлог-закон за изменување и дополнување на Законот за заштита на природата;
- Предлог-закон за изменување и дополнување на Законот за управување со електрична и електронска опрема и отпадна електрична и електронска опрема;
- Предлог-закон за изменување и дополнување на Законот за животната средина;
- Предлог-закон за изменување и дополнување на Законот за контрола на емисии од испарливи органски соединенија при користење на бензини;
- Предлог - закон за изменување и дополнување на Законот за градење;
На седницата на Комисијата за транспорт, врски и екологија во својство на претставник на Владата на Република Македонија присуствуваше заменикот на министерот за животна средина и просторно планирање, г. Стево Темелковски.
Заменикот на претседателот на Комисијата за транспорт, врски и екологија ги извести пратениците дека во рокот утврден со Деловникот на Собранието на Република Македонија, не се поднесени амандмани на Предлог - законите.
Комисијата за транспорт, врски и екологија Предлог-законите ги проследи на натамошна постапка во Собранието на Република Македонија.