Четврток, 25 декември 2014 година
Седумнаесета седница на Комисијата за транспорт, врски и екологија
Комисијата за транспорт, врски и екологија на Собранието на Република Македонија, на вчерашната 17. седница, како матично работно тело, во второ читање, ги разгледа:
- Предлог-законот за изменување и дополнување на Законот за постапување со бесправно изградени објекти;
- Предлог-законт за изменување и дополнување на Законот за домување;
- Предлог-законот за просторно и урбанистичко планирање.
На седницата на Комисијата, во својство на претставник на Владата на Република Македонија, присуствуваше заменикот на министерот за транспорт и врски, г. Ниметула Хаљими.
Претседателот на Комисијата, г. Реџаиљ Исмаили, ги извести пратениците дека во рокот утврден со Деловникот на Собранието на Република Македонија, на Предлогот на законот e поднесен еден амандман од овластени предлагачи.
Во претресот по амандманот учествуваа пратениците: г-ѓа Роза Топузова-Каревска, г-ѓа Солза Грчева, г. Благоја Десопотоски и г-ѓа Лилјана Затуроска.
Комисијата за транспорт, врски и екологија не го усвои поднесениот амандман.
По Предлогот на закон за изменување и дополнување на Законот за домување е изготвен Дополнетиот предлог на закон во кој е вграден амандманот усвоен од Комисијата за транспорт, врски и екологија и од Законодавно-правната комисија.
Комисијата го разгледа Предлог-законот за просторно и урбанистичко планирање и водеше претрес по вкупно 46 амандманите поднесени од овластени предлагачи.
Во Дополнетиот предлог на Закон за просторно и урбанистичко планирање вградени се 39 амандмани усвоени од Комисијата за транспорт, врски и екологија и од Законодавно-правната комисија. Останатите 6 амандмани не беа усвоени, а еден беше повлечен.
По расправата, Комисијата го проследи Предлогот на законот за изменување и дополнување на Законот за постапување со бесправно изградени објекти на натамошна постапка во Собранието на Република Македонија.