Понеделник, 14 март 2016 година
Шеесет и прва седница на Комисијата за транспорт, врски и екологија
Комисијата за транспорт, врски и екологија на Собранието на Република Македонија, на денешната 61. седница одржана, како матично работно тело по скратена постапка ги разгледа:
- Предлогот на законот за изменување и дополнување на Законот за водите;
- Предлогот на законот за изменување и дополнување на Законот за електронско управување;
- Предлогот на законот за изменување и дополнување на Законот за сигурност во железничкиот систем.
На седницата на Комисијата во својство на претставници на Владата на Република Македонија присуствуваа: заменик -министерот за животна средина и просторно планирање, г. Стево Темелковски, заменик-министерот за информатичко општество и администрација, г. Тимчо Муцунски и министерот за транспорт и врски, г. Владо Мисајловски кои ги образложија Предлог-законите.
Претседателот на Комисијата, г. Реџаиљ Исмаили ги извести пратениците дека во рокот утврден со Деловникот на Собранието на Република Македонија, не се поднесени амандмани на Предлог- законите.
Комисијата за транспорт, врски и екологија горенаведените Предлог- закони ги проследи на натамошна постапка во Собранието на Република Македонија.