Вторник, 29 март 2016 година
Шеесет и трета седница на Комисијата за транспорт, врски и екологија
Комисијата за транспорт, врски и екологија на Собранието на Република Македонија, на денешната 63 седница, како матично работно тело по скратена постапка ги разгледа:
- Предлогот на законот за изменување на Законот за управување со отпадот;
- Предлогот на законот за изменување на Законот за заштита на природата;
- Предлогот на законот за изменување на Законот за сигурност во железничкиот систем.
На седницата на Комисијата за транспорт, врски и екологија во својство на претставници на Владата на Република Македонија присуствуваа заменик- министерот за животна средина и просторно планирање, г. Стево Темелковски и министерот за за транспорт и врски, г. Владо Мисајловски.
Претседателот на Комисијата, г. Реџаил Исмаили ги извести пратениците дека во рокот утврден со Деловникот на Собранието на Република Македонија, не се поднесени амандмани на Предлог - законите.
Во дискусијата по Предлог законот за изменување на Законот за сигурност во железничкиот систем учествуваше пратеникот Марјанчо Николов и министерот за транспорт и врски Владо Мисајловски.
На крајот од расправата, Комисијата ги проследи Предлог-законите на натамошна постапка во Собранието.