Понеделник, 26 октомври 2015 година
Средба на потпретседателката Дескоска со полскиот амбасадор Мултановски
Потпретседателката на Собранието на Република Македонија, г-ѓа Рената Дескоска, денеска оствари средба со амбасадорот на Република Полска во Република Македонија, г. Јацек Мултановски.
Таа истакна дека Република Полска е наш традиционален пријател и дека билатералниот однос е со висок степен на пријателство.Полскиот амбасадор, г. Јацек Мултановски, истакна дека Република Полска го поддржува процесот на евроинтеграции на Република Македонија и укажа од потребата за почитување на роковите и преземените обврски од договорот од Пржино.
На средбата беше разговарано за продлабочување на соработката меѓу двата парламента и за соработката меѓу НВО-секторите заради јакнење на цивилното општество во Република Македонија.
Исто така беше истакнато дека Македонија се наоѓа пред сериозни предизвици кои ќе имаат влијание врз иднината на земјата и нејзината евроинтеграција.