Четврток, 27 ноември 2014 година
Тринаесетта седница на Комисијата за транспорт, врски и екологија
Комисијата за транспорт, врски и екологија на Собранието на Република Македонија, на вчерашната 13. седница, како матично работно тело во прво читање, ги разгледа:
- Предлогот на законот за изменување и дополнување на Законот за градење;
- Предлогот на законот за изменување и дополнување на Законот за поштенските услуги.
На седницата на Комисијата во својство на претставник на Владата на Република Македонија присуствуваше заменикот на министерот за транспорт и врски, г. Ниметула Хаљими.
Во образложението по Предлог на законите претставникот на Владата ја нагласи потребата за донесување на законите, целите што ќе се постигнат и основните решенија што се уредуваат со законите.
Во дискусијата по Предлог на законите учествуваа пратениците: Благоја Деспотовски, Роза Топузова Кареска, Стојан Миланов, Реџаиљ Исмаили, Драган Данев, Фатмир Имероски како и Мартин Оџаклиески раководител на сектор во Министерство за транспорт и врски.
На крајот од расправата, Комисијата едногласно одлучи дека Предлог-законите се прифатливи и треба да се дадат на натамошно читање.