Среда, 22 ноември 2017 година
Почеста размена на искуства за економските политики и продлабочување на националните економии
Комисијата за финансирање и буџет на Собранието на Република Македонија оствари средба со Пратеничката група за меѓупарламентарни односи со Република Македонија на Врховната Рада на Украина, во состав: г. Андриј Шињкович, претседател на Групата и членовите г. Михајло Кобцев и г. Роман Мацола.
Претседателката на Комисијата, г-ѓа Лилјана Кузмановска, во своето обраќање изрази задоволство за добрите односи со Украина и укажа дека тие ќе продолжат и понатаму, дека заложбите на новата влада се такви, особено во врска со економските и трговски размени.
Таа зборуваше за рамниот данок и ги запозна гостите со работата на комисијата.
Гостите ги запознаа членовите на Комисијата за финансирање и буџет со нивниот даночен систем.
Воедно укажаа дека почнале да спроведуваат повеќе економски реформи бидејќи во изминатиот период се соочувале со висок процент на сива економија и недоволно полнење на пензискиот фонд во Украина.
Тие истакнаа дека реформите почнале да даваат резултати.
![](content/images/Ukraina-Komisija-za-budjet.jpg)
Од двете страни беше потенцирана потребата од зголемена трговска размена помеѓу двете држави имајќи ги предвид добрите досегашни врски и економските потенцијали со кои располагаат Република Македонија и Украина.
Исто така, се изрази надеж од подлабока и поинтензивна соработка меѓу институциите на двете држави и во делот на парламентарната соработка почести контакти помеѓу членовите на надлежните комисии за буџет.
Двете страни се договорија за почеста размена на искуства за економските политики и за продлабочување на националните економии.