Понеделник, 19 март 2018 година
Тринаесетта седница на Комисијата за транспорт, врски и екологија
Комисијата за транспорт, врски и екологија на Собранието на Република Македонија, на денешната 13. седница, како матично работно тело, во прво читање, ги разгледа:
- Предлог-законот за изменување и дополнување на Законот за основање на Јавно претпријатие Македонска радиодифузија;
- Предлог-законот за изменување и дополнување на Законот за електронско управување;
- Предлог-законот за изменување и дополнување на Законот за аудио и аудиовизуелни медиумски услуги;
- Предлог-законот за изменување на Законот за превоз на опасни материи во патниот и железничкиот сообраќај.
На седницата на Комисијата, во својство на претставници на Владата на Република Македонија, присуствуваа г. Дамјан Манчевски, министер за информатичко општество и администрација и г-а Јулијана Атанасова, помошник раководител на сектор во Министерството за транспорт и врски.
Во образложението по Предлог-законите, претставниците на Владата ја нагласија потребата за донесување, целите што ќе се постигнат и основните решенија што се уредуваат со законите.
Комисијата, по сите точки, едногласно го усвои следниот заклучок:
- Комисијата врз основа на член 142 од Деловникот на Собранието на Република Македонија констатира дека Предлог-законот е прифатливи и треба да се даде на натамошно читање.