Понеделник, 22 март 2021 година
Четврта седница на Комисијата за економски прашања
Комисијата за економски прашања, денеска, на 4. седница, како матично работно тело, го разгледа Предлогот на закон за изменување и дополнување на Законот за градежните производи (во прво читање).
Воведно образложение по Предлог-законот даде заменик-министерот за економија, Зоран Маневски. Тој истакна дека со Предлог-законот за изменување и дополнување на Законот за градежните производи се врши усогласување на прекршочните одредби согласно член 132 став (1) од Законот за прекршоците. Целта е да се овозможи намалување на висината на глобите и дефинирање на носењето и објавата на македонски национални стандарди или македонски технички прописи за градежните производи од нехармонизираното подрачје и да се усогласи со промената на името на Република Македонија во Република Северна Македонија.
На крајот од расправата, Комисијата за економски прашања со шест гласа „за“ и два гласа „против“ заклучи дека горенаведениот Предлог-закон е прифатлив и треба да се даде на натамошно читање.