Вторник, 30 март 2021 година
Шеста седница на Комисијата за земјоделство, шумарство и водостопанство
Комисијата за земјоделство, шумарство и водостопанство, на денешната 6. седница, како матично работно тело, во прво читање ги разгледа:
- Предлог-законот за изменување и дополнување на Законот за заштита и благосостојба на животните;
- Предлог-законот за изменување и дополнување на Законот за идентификација и регистрација на животните.
На седницата на Комисијата, во својство на претставници на Владата, присуствуваа: Трајан Димковски. заменик-министер за земјоделство, шумарство и водостопанство; Николче Бабовски, директор на Агенцијата за храна и ветеринарство и Александар Диље, раководител на сектор во Министерството за земјоделство шумарство и водостопанство.
Заменик-министерот Димковски ја нагласи потребата за донесување на законите, целите што ќе се постигнат и основните решенија што се уредуваат со истите.
Комисијата за земјоделство, шумарство и водостопанство, без дискусија, со по 5 гласа „за“ по двата Предлог-закона, усвои ист Заклучок:
- Комисијата за земјоделство, шумарство и водостопанство го разгледа Предлогот на законот и оцени дека е прифатлив и треба да се даде на натамошно читање.