Четврток, 14 мај 2015 година

„Карло Велики“ за првиот европарламентарец

Претседателот на Европскиот парламент, г. Мартин Шулц, е добитник на 57. Меѓународна награда „Карло Велики“, која се доделува секоја година како признание за работата во служба на европското обединување. 

Понеделник, 27 април 2015 година

Пленарна седница на Европарламентот

Европскиот парламент од 27 до 30 април одржува пленарна седница во Стразбур, на која, меѓу другото, на дневен ред ќе се најде и Договорот за стабилизација и асоцијација со Република Македонија.

Понеделник, 23 март 2015 година

Состанок на европските лидери во Брисел

Лидерите на Европската унија се состанаа на 19 и 20 март во Брисел, фокусирајќи се на главните стратешки предизвици со кои се соочува Европа: енергетиката, растот и работните места, како и нестабилноста на границите. 

Среда, 11 март 2015 година

Деветта препорака за почеток на преговори на Македонија со ЕУ

Европскиот парламент со мнозинство гласови ја усвои Резолуцијата за напредокот на Република Македонија, изготвена од словенечкиот европратеник и известувач за Македонија во Европскиот парламент, г. Иво Вајгл, по која доцна синоќа се водеше расправа.

По деветти пат во низа се повикува Европскиот совет да одреди датум за почеток на пристапните преговори за членство на нашата земја во Европската унија, што ќе ги забрза реформите и ќе го зацврсти процесот на демократизација.

Вторник, 24 февруари 2015 година

Изгласана Резолуцијата за Република Македонија

Комитетот за надворешни работи на Европскиот парламент, со 47 гласа „за“ и 10 „против“, ја усвои Резолуцијата за Република Македонија, изготвена од страна на известувачот за нашата земја, г. Иво Вајгл, во која по деветти пат во низа се упатува апел до Советот за итно отворање на пристапните преговори за ЕУ членство, без понатамошно одложување.

Понеделник, 16 февруари 2015 година

Плзењ и Монс - културни престолнини на Европа

Градот Плзењ од Чешката Република и Монс од Белгија се избрани за европски градови на културата за 2015 година и ќе бидат домаќини на низа културни настани во текот на овие 12 месеци, како концерти, изложби и урбани уметнички случувања.

Четврток, 29 јануари 2015 година

Зголемен туризмот во ЕУ

Бројот на ноќевања во туристичките сместувачки капацитети во земјите-членки на Европската унија во 2014 година, изнесува околу 2,7 милијарди, што претставува зголемување од 1,7% во споредба со 2013 година.

Среда, 21 јануари 2015 година

Бавно темпо во напредокот на родовата еднаквост

Постигнат е мал напредок во однос на минатите години и ако се оди со ова бавно темпо, родовата разлика, на пример во однос на платите, ќе се елиминира дури во 2084 година - стои во Извештајот за родовата еднаквост во земјите од Европската унија за 2013 година, подготвен од страна на белгискиот европратеник, г. Марк Тарабела, усвоен од Комитетот за правата на жените на Европскиот парламент.

Вторник, 20 јануари 2015 година

Дебата за Македонија во Европарламентот

Известувачот за Република Македонија, г. Иво Вајгл од Словенија, ја претстави Предлог-резолуцијата за нашата земја пред Комитетот за надворешни работи на Европскиот парламент во Брисел, при што се разви дебата за истата.

Вторник, 13 јануари 2015 година

Европарламентот им оддаде почит на жртвите од Париз

Со едноминутно молчење, политичките групи на Европскиот парламент им оддадоа почит на 17-те загинати во минатонеделните терористички напади врз францускиот неделник „Шарли“ и еврејскиот супермаркет во Париз.