Вторник, 11 март 2014 година
Пленарна седница на Европарламентот
Оваа седмица, Европскиот парламент во Стразбур одржува пленарна седница, на која во фокусот се случувањата во Крим, Украина и пакетот помош од ЕУ за оваа земја во вредност од 11 милијарди евра.
На дневната агенда, меѓу другото, ќе се најдат и заштитата на личните податоци и преносот на податоци во Европа, потоа перењето пари, како и заштита на туристите од туристичките агенции.
Исто така, вчера, во рамките на седницата, покрај останатото, се дебатираше и по Извештајот за рамноправноста на жените и мажите во 2012 година.