Четврток, 9 април 2009 година
Средба на Ангелика Беер со Радмила Шекеринска и Петар Поп Арсов
Ангелика Беер, член на Европскиот парламент имаше средба со г-ѓа Радмила Шекеринска, претседател на Националниот совет за евроинтеграции, на која присуствуваа и г-ѓа Силвана Бонева, потпретседател, г-ѓа Теута Арифи, член и г. Александар Кржаловски, претставник на Граѓанската платформа.
Потоа таа имаше средба со г. Петар Поп Арсов, претседател на Комисијата за европски прашања на која присуствуваа и г-ѓа Лилјана Поповска, заменик-претседател, г-ѓа Силвана Бонева, член, г. Хајрула Мисини, член и г-ѓа Славица Грковска Лошкова, член.
На одвоените средби гостинката беше запозната со текот на штотуку завршените претседателски и локални избори, кои беа оценети како фер и демократски и кои пратија јасна порака дека граѓаните на Република Македонија сакаат брзо движење кон НАТО и ЕУ.
Исто така се разговараше за визната либерализација и се дојде до заклучок дека сите критериуми за добивање на визна либерализација се создадени.