Вторник, 1 ноември 2011 година
СРЕДБА НА ПРЕТСЕДАТЕЛОТ ВЕЉАНОСКИ СО ПАРЛАМЕНТАРНАТА ГРУПА ЗА СОРАБОТКА СО ЗЕМЈИТЕ ОД ЈИЕ НА ГЕРМАНСКИОТ БУНДЕСТАГ
![](wbstorage/articles/5D93DC07069BF54884A2804F124CB680.jpg)
На почетокот на средбата, претседателот Вељаноски го изрази своето задоволство од можноста да се сретне со делегација која доаѓа од пријателска земја, која секогаш ѝ излегува во пресрет на Република Македонија. Претседателот Вељаноски истакна дека парламентарната соработка е особено важна, зашто таа полесно отвора врати меѓу државите и народите, и оттука, средбите на претставниците од парламентите се особено важни. Во оваа насока, претседателот Вељаноски упати покана до својот колега од германскиот Бундестаг, г. Роберт Ламерт да ја посети Република Македонија.