Вторник, 25 декември 2012 година

Марсеј и Кошице - eвропски градови на културата

По одлука на Европската комисија, вторите по големина градови во Франција, односно во Словачка, Марсеј и Кошице, ќе бидат носители на титулата eвропски градови на културата за 2013 година.



Четврток, 20 декември 2012 година

Музејот на Ливерпул – музеј на годината

Комитетот за култура, наука, образование и медиуми на Парламентарното собрание на Советот на Европа, одлучи наградата на Советот на Европа за музеј за 2013 година, да ја додели на Музејот на Ливерпул, кој содржи траги од социјалната, економската и политичката историја на градот, кој важи за еден од социјално најразноликите во Велика Британија



Четврток, 22 ноември 2012 година

Доделена филмската награда „Лукс“

Филмот „lo sono Li“ („Шун Ли и поетот“) на Андреа Сегре (Франција/Италија), во кој глуми и популарниот Раде Шербеџија, е добитник на филмската награда „Лукс“ за 2012 година, која ја доделува Европскиот парламент



Петок, 26 октомври 2012 година

Наградата „Сахаров“ за ирански активисти

Иранските активисти Насрин Сотодех и Јафар Панахи се добитници на овогодишната награда „Сахаров“, која ја доделува Европскиот парламент за слобода на мислата



Петок, 12 октомври 2012 година

Тројца финалисти во борба за наградата Сахаров

Алеш Бијалијатски, Пуси Риот, Насрин Сотодех и Јафар Панахи се финалистите за наградата Сахаров за слобода на мислата за 2012 година, која ја доделува Европскиот парламент на поединци или организации што даваат важен придонес во борбата за човекови права и демократијата.



Вторник, 9 октомври 2012 година

Познати победниците на ЕУ наградата за литература

Добитниците на Наградата за литература на Европската унија за 2012 година беа објавени на денешниот Саем за литература во Франкфурт. На секој од победниците му следува парична награда од 5.000 евра и можност неговата книга да се преведе на други јазици со финансирање преку Програмата за култура на ЕУ.



Вторник, 25 септември 2012 година

Номинации за наградата „Сахаров“

Листата на номинираните за овогодишната награда „Сахаров“ за слобода на мислата, која се доделува еднаш годишно од страна на Европскиот парламент, на поединци или организации што даваат важен придонес во борбата за човекови права и демократијата, ќе биде објавена денеска на заедничкиот состанок на Парламентарната комисија за надворешни работи, развој и човекови права.



Понеделник, 24 септември 2012 година

Изложба на збирката уметности на Европарламентот

Европскиот парламент, во Центарот за посетители, т.н. Парламентариум, во Брисел, од 16 август до 31 октомври, јавно прикажува дел од својата збирка уметнички дела. На изложбата ART@EUROPARL, посетителите ќе имаат можност бесплатно да погледнат 54 дела од арт колекцијата на Европарламентот



Четврток, 6 септември 2012 година

Време е Европа да осигури писменост за сите!

Секој петти петнаесетгодишник, како и речиси 75 милиони возрасни во рамките на Европската унија, не располагаат со основни вештини за читање и пишување, што им го отежнува наоѓањето работа и ги изложува на поголем ризик од сиромаштија и социјална исклученост – велат поразителните податоци во извештајот за писменоста, изготвен од посебна експертска група.



Петок, 27 јули 2012 година

Олимпијци во Европарламентот

Денеска, во 20 часот и 12 минути, означувајќи ја годината во која се одржуваат, официјално ќе се отворат Летните олимписки игри во Лондон, кои ќе траат до 12 август. Интересно е што некои од денешните членови на Европскиот парламент биле дел од поранешните Олимпијади.



Петок, 6 јули 2012 година

Каде во Европа е најдобро за капење?

Хрватска, Грција, Кипар и Малта се топ земјите за капење во Европа – покажа годинешниот извештај на Европската агенција за животна средина, базиран на испитувањата спроведени на повеќе од 22.000 зони за капење на Стариот континент



Среда, 2 мај 2012 година

Европарламентот ќе доделува „Европска граѓанска награда“

Европратениците избраа 61 кандидат од 19 земји-членки на Европската унија, кои ќе се борат за годишната „Европска граѓанска награда“, која ја доделува Европскиот парламент за исклучителни постигнувања на Европејците. 

Понеделник, 23 април 2012 година

Ден на планетата Земја

Со низа еколошки акции, викендов, се одбележа 22 април - Денот на планетата Земја, со цел будење на свеста кај луѓето за заштита на животната средина.

По тој повод, милиони вљубеници во природата ширум светот, организираа концерти, работни акции за чистење и засадување дрвца, како и шетање во природа.

Тие потсетија на опасностите кои ѝ се закануваат на Земјата, посебно акцентирајќи ги климатските промени како најголема закана за планетата досега.   

Инаку, 22 април се одбележува како Ден на Земјата од 1970 година, на предлог на тогашниот американски сенатор и екологист Гејлорд Нелсон.



Понеделник, 26 март 2012 година

Познати добитниците на наградата „Север-Југ“

Претседателот на Република Србија, г. Борис Тадиќ и претседателот на Меѓународната федерација за човекови права, г-ѓа Сухар Белхасен, се добитници на наградата „Север-Југ“ за 2011 година, која ја доделува Советот на Европа на оние кои придонеле за глобална солидарност и меѓузависност.



Петок, 23 март 2012 година

Парламентариумот изброја 100.000 посетители

Центарот за посетители на Европскиот парламент, т.н. Парламентариум, ја оправда улогата на популарна атракција во Брисел, откако за пет месеци постоење, изброи 100.000 посетители



Среда, 7 март 2012 година

Болоња - најмобилен европски град

Италијанскиот град Болоња е прогласен за најмобилен град во Европа за 2011 година, во рамките на Европската недела на мобилност



Понеделник, 20 февруари 2012 година

Европските филмови се меѓу најдобрите во светот

Два филмови поддржани од програмата „МЕДИА“ на Европската унија, беа наградени на Меѓународниот филмски фестивал Берлинале, на кој филмот „Парада“ во македонска копродукција беше избран за најдобар од страна на публиката.



Петок, 17 февруари 2012 година

Супер брз мобилен интернет во ЕУ

Мобилниот интернет во Европската унија ќе постигне неверојатна брзина, откако европратениците го одобрија предлогот за отворање фреквенциски појас од 800 мегахерци за безжичен брз интернет, од 1 јануари 2013 година



Понеделник, 6 февруари 2012 година

Марибор и Гимараеш - европски градови на културата

Словенечкиот град Марибор и португалскиот Гимараеш се избрани за европски градови на културата за 2012 година. Тие ќе бидат домаќини на мноштво културни настани во текот на годинава, како: опера, модерен танц, класична и забавна музика, филм, театар, ликовна уметност, литература и архитектура