Вторник, 10 декември 2019

Претседателот Џафери дел од делегацијата на носачот на авиони „Хари С. Труман“

Претседателот на Собранието на Република Северна Македонија, Талат Џафери, беше дел од делегацијата составена од премиерот Зоран Заев и министерката за одбрана Радмила Шеќеринска, што ја имаше честа да слета на носачот на авиони „Хари С. Труман“, каде што имаа средба со адмирал Џејмс Фого, командант на Американските поморски сили за Европа и Африка и командант на Здружените сојузнички сили на НАТО во Неапол.

Среда, 4 декември 2019 година

СРЕДБА НА ПРЕТСЕДАТЕЛОТ ЏАФЕРИ СО СЕНАТОРОТ ЈОАН -КРИСТИЈАН КИРТЕШ, ПРЕТСЕДАТЕЛ НА ГРУПАТА ЗА ПРИЈАТЕЛСТВО ВО РОМАНСКИОТ ПАРЛАМЕНТ

Претседателот Џафери, му посака топло добредојде на сенаторот Киртеш и нагласи дека оваа посета е од особено значење за него, имајќи ги предвид севкупните добри односи меѓу Република Северна Македонија и Романија кои ги карактеризира висок степен на пријателство, со конструктивен и отворен политички дијалог заснован врз партнерски однос и заемно почитување.

Вторник, 3 декември 2019

Средба на претседателот Џафери со Н.Е. Нивес Тигањ, амбасадорка на Република Хрватска во Република Северна Македонија

На почетокот на средбата, претседателот Џафери ѝ честиташе на новата функција со желби за плоден и успешен амбасадорски мандат, а ги изрази и очекувањата дека досегашната конструктивна соработка на институциите на Република Северна Македонија со Амбасадата на Хрватска ќе продолжи и понатаму. Посочи дека Република Хрватска е докажан пријател на Република Северна Македонија и бескомпромисен поддржувач на нејзината европска и евроатланска интеграција, факт што високо се цени и почитува. Истакна уверување дека оваа силна, пријателска и безрезервна поддршка ќе биде засилена за време на претстојното претседавање на Република Хрватска со Советот на Европската Унија идната година и ќе резултира со добивање датум за отпочнување преговори на мајскиот Самит во Загреб.

Среда, 27 ноември 2019 година

Средба на претседателот Џафери со новоименуваниот амбасадор на БиХ, Н.Е. Драган Јаќимовиќ

Претседателот на Собранието на Република Северна Македонија, Талат Џафери, на денешната средба со новоименуваниот амбасадор на Република Босна и Херцеговина, Н.Е. Драган Јаќимовиќ, изрази задоволство од досегашната соработка со Амбасадата на БиХ и му посака и на новиот амбасадор успешен мандат и продолжување на оваа соработка со Собранието на Република Северна Македонија.

Среда, 27 ноември 2019 година

Претседателот Џафери Ѝ врачи признание на новинарката Мира Костиќ

На денешната средба со новинарите, претседателот Џафери на новинарката од Македонското радио, г-ѓа Мира Костиќ, по повод нејзиното заминување во пензија, ѝ врачи Признание за вложениот труд и професионалноста за време на сите години додека известувала за работата на Собранието на Република Северна Македонија.

Среда, 20 ноември 2019

Средба на претседателот Џафери со Мими Кодели, претседателката на Комисијата за надворешна политика на Собранието на Република Албанија

Претседателот Џафери истакна дека оваа посета е од особено значење за него, имајќи предвид дека односите меѓу двете земји се одвиваат на највисоко ниво и се без отворени прашања.

Петок, 8 ноември 2019 година

Состанок на Советодавниот комитет на Програмата за парламентарна поддршка

Денеска во Собранието на Република Северна Македонија се одржа Првата работна средба на Советодавниот комитет на Програмата за парламентарна поддршка, на која покрај претседателот Талат Џафери, присуствуваа и потпретседателот Горан Мисовски; генералната секретарка Цветанка Иванова; Н.Е. Сибил Сутер Техада, амбасадорка на Швајцарија во Северна Македонија; Н.Е. Кристин Форгстин Бентсон, амбасадорка на Шведска во Северна Македонија; д-р Кристоф Ланц, поранешен генерален секретар на Федералното собрание на Швајцарија; г. Александар Фузереси, раководител на парламентарната техничка соработка на ФС на Швајцарија; г. Антеро Хабихт, заменик-генерален секретар на естонскиот Риигикогу и претставници на тимот на НДИ предводени од директорот Крис Хеншоу.

Четврток, 7 ноември 2019 година

Средба на претседателот Џафери со поранешниот генерален секретар на Сојузното собрание на Швајцарија, д-р Кристоф Ланц

Денеска претседателот на Собранието на Република Северна Македонија, г. Талат Џафери, оствари средба со поранешниот Генерален секретар на Сојузното собрание на Швајцарија д-р Кристоф Ланц и главен технички консултант на СДЦ за Програмата за парламентарна поддршка. На средбата присуствуваа генералната секретарка на Собранието на Република Северна Македонија, Цветанка Иванова, швајцарската амбасадорка Сибил Сутер Техада и Роберт Скот Хејзлет претставник од НДИ.

Вторник, 5 ноември 2019 година

Средба на претседателот Џафери со г-ѓа Елен Конве-Муре, потпретседател на Сенатот на Француската Република

Претседателот на Собранието на Република Северна Македонија денеска оствари средба со Елен Конве-Муре, потпретседателка на Сенатот на Француската Република и член на Комисијата за надворешни работи, одбрана и вооружени сили во францускиот Сенат.

Вторник, 5 ноември 2019 година

Средба на претседателот Џафери со претседателот на Европскиот парламент Сасоли

Претседателот на Собранието на Република Северна Македонија, г. Талат Џафери, оствари средба со претседателот на Европскиот парламент, г. Давид Мариа Сасоли, кој по преземањето на функцијата, првата посета надвор од Европската Унија ја остварува токму во Република Северна Македонија.