Среда, 19 септември 2018 година

Петнаесетти состанок на МПК – РМ и ЕУ

Во Собранието на Република Македонија денеска и утре се одржува 15. Состанок на Мешовитиот парламентарен комитет – Република Македонија и Европската Унија, кој беше отворен од страна на кoпретседавачите Горан Милевски и Алојз Петерле.

Среда, 19 септември 2018 година

СРЕДБА НА ПРЕТСЕДАТЕЛОТ ЏАФЕРИ СО ЧЛЕНОВИТЕ НА МЕШОВИТИОТ ПАРЛАМЕНТАРЕН КОМИТЕТ ОД ЕВРОПСКИОТ ПАРЛАМЕНТ 

Денес претседателот на Собранието на Република Македонија, г. Талат Џафери, оствари средба со членовите на Мешовитиот парламентарен комитет, кои што се тука по повод 15-тиот состанок на Мешовитиот парламентарен комитет - Република Македонија и Европската унија и чиј што домаќин е токму Собранието.

Среда, 19 септември 2018 година

СРЕДБА НА ПРЕТСЕДАТЕЛОТ ЏАФЕРИ СО АМБАСАДОРОТ КЛЕМЕНС КОЈА, ШЕФ НА МИСИЈАТА НА ОБСЕ ВО СКОПЈЕ 

Претседателот Џафери му го честита на амбасадорот Која назначувањето на функцијата и изрази надеж за понатамошна плодна соработка, имајќи го предвид неговото искуството во структурите на ОБСЕ, како и големото познавање на регионот. 

Вторник, 18 септември 2018 година

СРЕДБА НА ПРЕТСЕДАТЕЛОТ ЏАФЕРИ СО ПОТПРЕТСЕДАТЕЛОТ НА ЕВРОПСКИОТ ПАРЛАМЕНТ ПАПАДИМУЛИС

Претседателот на Собранието на Република Македонија, г. Талат Џафери, денеска оствари средба со потпретседателот на Европскиот парламент од Република Грција, г. Димитриос Пападимулис, кој учествува на 15-тиот состанок на Мешовитиот парламентарен комитет – Република Македонија и Европската Унија.

Вторник, 18 септември 2018 година

СРЕДБА НА ПРЕТСЕДАТЕЛОТ ЏАФЕРИ СО НОВАТА АМБАСАДОРКА НА АВСТРАЛИЈА, Г-ЃА РУТ КАРИС СТЈУАРТ

На почетокот на средбата, претседателот Џафери и посака топло добредојде во Република Македонија, констатирајќи дека тоа е одраз на континуитетот во пријателските односи меѓу двете земји. Посетата на министерот за надворешни работи на Австралија Бишоп минатата година, претставува дополнителен стимул за реализација на взаемни билатерални посети. 

Вторник, 18 септември 2018 година

Обраќање на претседателот Џафери на Конференција на тема „НАТО интеграцијата - предуслов за безбедност и развој“

Лично ми причинува особено задоволство што можам да учествувам на оваа конференција со која и формално се означува почетокот на петнаесет неделна школа на која учесниците ќе се запознаат со прашања врзани со безбедноста, одбраната и интеграциите во НАТО. 

Понеделник,17 септември 2018 година

Средба на претседателот Џафери со г-ѓа Елизабета Трента, министерка за одбрана во Владата на Италијанската Република

Претседателот на Собранието на Република Македонија, г.Талат Џафери денес оствари средба г-ѓа Елизабета Трента, министерка за одбрана во Владата на Италијанската Република која е во официјалната посета на Република Македонија. На средбата, покрај претседателот на Собранието, присуствуваа и двајцата потпретседатели Ременска и Мисовски и членовите на Комисијата за одбрана.

Недела, 16 септември 2018 година

Обраќање на претседателот Џафери на Маршот „За европска Македонија“

Денес сме тука заедно за да испратиме силна порака за неопходноста од овој процес, што се очекува да се круниса со референдумот од 30-ти септември, кога нашата свест како граѓани, меѓутоа и како родители и соседи ќе има поцелосна смисла, затоа што нашата заедничка татковина – Македонија, конечно ќе се вброи во семејството на цивилизирани народи, како во политички и економски аспект, исто така и во безбедносен аспект.

Петок, 14 септември 2018 година

СРЕДБА НА ПРЕТСЕДАТЕЛОТ ЏАФЕРИ И ДЕЛЕГАЦИЈА НА СВЕТСКАТА ОРГАНИЗАЦИЈА НА РОМИТЕ

Претседателот Џафери, посакувајќи им добредојде на гостите во Република Македонија и во Собранието истакна дека  Република Македонија е држава која придава особено внимание на статусот на Ромите. Тој истакна дека има аспекти кои што треба да бидат препознаени како успешен пример, но и дека како претставници на народот имаат уште доста работа за да се задоволат сите аспекти на живеењето на ромската заедница во општеството, особено нагласувајќи ги сферите на образование, инфраструктура, здравство. 

Петок, 14 септември 2018 година

Пратеникот Амди Бајрам кандидат за претседател на европска ромска политичка партија 

Денеска, пратеникот Амди Бајрам во Собранието на Република Македонија оствари средба со делегација на Светската организација на Ромите, предводена од претседателот и амбасадорот за мир, Јован Дамјановиќ, заменик-претседателот Дејвид Романо и членот за европски прашања, Ивица Петровиќ.