Четврток, 27 септември 2018 година

Потреба од активно вклучување во борбата против трговијата со луѓе

Пратеникот Сашко Костов на 25 и 26 септември 2018 година учествуваше на парламентарна работилница во Тирана, организирана од страна на Парламентот на Република Албанија и Фондацијата за борба против трговија со луѓе од Лондон, Велика Британија. 

Среда, 26 септември 2018 година

СРЕДБА НА ПРЕТСЕДАТЕЛОТ ЏАФЕРИ СО НОВОИМЕНУВАНИОТ АМБАСАДОР НА РУСКАТА ФЕДЕРАЦИЈА ВО РЕПУБЛИКА МАКЕДОНИЈА, Н.Е. СЕРГЕЈ БАЗДНИКИН 

Претседателот Џафери му посака на новоименуваниот амбасадор Баздникин успех во извршувањето на оваа одговорна функција. Тој нагласи дека стратешки приоритет на Република Македонија со одлука на граѓаните се евроатлантските интеграции на земјата, но големо значење се придава и на унапредувањето на билатералните односи со Руската Федерација, а особено на парламентарната и економската соработка.

Вторник, 25 септември 2018 година

СРЕДБА НА ПРЕТСЕДАТЕЛОТ ЏАФЕРИ СО ПРЕТСЕДАТЕЛОТ НА ДРЖАВНИОТ ЗБОР НА РЕПУБЛИКА СЛОВЕНИЈА, ДЕЈАН ЖИДАН

Претседателот на Собранието на Република Македонија, г. Талат Џафери, денеска оствари средба со Делегација од Република Словенија, предводена од претседателот на Државниот збор, г. Дејан Жидан, кој престојува во работна посета на Република Македонија. На средбата присуствуваа и претседателот и пратениците од Пратеничката група за соработка со Парламентот на Република Словенија, г-ѓа Нада Ципушева, г-ѓа Фросина Ташевска Ременски, како и претседателот на Комисијата за европски прашања, г. Артан Груби. 

Понеделник, 24 септември 201 година

„ДЕТСКИ ПАРЛАМЕНТ” ВО СОБРАНИЕТО НА РЕПУБЛИКА МАКЕДОНИЈА

Парламентарниот институт на Собранието на Република Македонија, за прв пат организираше „Детски парламент” за 89 ученици од 15 училишта од 15 општини во Република Македонија.

Петок, 21 септември 2018 година

Средба на претседателот Џафери со потпретседателот на Европскиот Парламент, г. Фабио Масимо Касталдо

Претседателот на Собранието на Република Македонија, г. Талат Џафери се сретна со потпретседателот на Европскиот Парламент, Фабио Масимо Касталдо, кој учествуваше на Конференцијата на млади лидери, организирана од Собранието на Република Македонија и Европскиот парламент, за политичкото учество на младите и младинските политики со пратеници од Западен Балкан. 

Петок, 21 септември 2018 година 

Поттик за политички дијалог и консензус

На вториот ден од Конференцијата со дијалог на високо ниво за политичкото учество на младите и младинските политики со пратениците од Западен Балкан, се разговараше за поттикнување на политички дијалог и консензус.  

Петок, 21 септември 2018 година 

Oбраќање на претседателот Џафери на Конференцијата на млади лидери на тема „Поттикнување на политички дијалог и консензус“

Политичкиот дијалог и постигнувањето на консензус, според мене се на врвот на вредностите и стандардите кои го дефинираат демократскиот амбиент и политичката култура на едно општество. Во исто време, тоа, колку овие вредности и стандарди се практикуваат, е основното мерило за тоа колку демократски владее една влада. Вистинското место, или ако сакате арена каде што треба да се води политичкиот дијалог и каде што треба да се постигне консензус е Собранието.

Четврток, 20 септември 2018 година 

Дијалог на високо ниво за политичкото учество на младите и младинските политики

„Премостување на празнината“ е насловот на младинската конференција која  денеска и утре се одржува во Собранието на Република Македонија, со дијалог на високо ниво за политичкото учество на младите и младинските политики со пратениците од Западен Балкан.

Четврток, 20 септември 2018 година

Медиумите и добрососедските односи - тема на 15. Состанок на МПК ЕУ-РМ

На продолжението на 15. Состанок на Мешовитиот парламентарен комитет-Република Македонија и Европска Унија се разменија мислења за две актуелни теми: состојбата во медиумите и добрососедските односи и регионална соработка.

Четврток, 20 септември 2018 година

Поздравно обраќање на претседателот Џафери на Конференцијата на млади лидери на тема „Премостување на празнината меѓу младите и политиката“ 

Дозволете на самиот почеток, на сите наши гости да им посакам пријатен престој во Скопје, во Собранието на Република Македонија и секако да ви посакам успешна работа на конференцијата која започнува денес и на која според работниот наслов „Премостување на празнината“, ќе се расправа за Дијалогот на високо ниво за политичкото учество на младите и младинските политики со пратениците од Западен Балкан.