Среда, 22 април 2009, Комисија за одбрана и безбедност
Осма седница на Комисијата за одбрана и безбедност
Комисијата за одбрана и безбедност на Осмата седница ги разгледа Предлогот на законот за посебните права на учесниците во мировните операции и операциите за колективната одбрана надвор од територијата на Република Македонија и на членовите на нивните семејства - И читање и Предлог законот за изменување и дополнување на Законот за безбедност на сообраќајот и патиштата.
Воедно , дневниот ред беше надополнет со Предлог на одлука за испраќање на припадници на Армијата на Република Македонија за учество во мировна операција во Авганистан и со Предлог на одлука за испраќање на припадници на Армијата на Република Македонија за учество во митровна операција на Европската унија во Босна и Херцеговина , ЕУФОР, АЛТЕА.
Комисијата едногласно оцени дека Предлогот на законот за посебни права на учесниците во мировните операции и операциите за колективна одбрана надвор од територијата на Република Македонија и на членовите на нивните семејства и Предлог на закон за изменување и дополнување на Законот за безбедност на сообраќајот и патиштата се прифатливи и треба да се дадат на натамошно читање.
Исто така Комисијата ги разгледа и усвои и Предлогот на одлуката за испраќање на припадници на Армијата на Република Македонија за учество во мировна операција во Авганистан и Предлогот на одлука за испраќање на припадници на Армијата на Република Македонија за учество во мировна операција на Европската унија во Босна и Херцеговина , ЕУФОР, АЛТЕА