Среда, 29 февруари 2012 година, Австралија

Средба на претседателот на Собранието на Република Македонија, г. Трајко Вељаноски и делегацијата со претседавачите на Парламентот на Австралија

Претседателот на Собранието на Република Македонија, г. Трајко Вељаноски заедно со делегацијата од Собранието на Република Македонија, во чиј состав се пратениците Илија Димовски, Милорад Додевски, Цветанка Иванова и Џеват Адеми оствари средба со претседавачите со Парламентот на Австралија, г. Питер Слипер, претседател на Претставничкиот дом на Австралија и г. Џон Хог, претседател на Сенатот на Австралија.



Среда, 29 февруари 2012 година, Австралија

Средба на претседателот, г. Трајко Вељаноски и делегацијата со сенаторот на Горниот дом на Парламентот на Австралија, г. Гери Ханфрис и со сенаторот на Горниот дом на Австралија, г. Лук Симкинс

На средбата стана збор и за билатералната употреба на уставното име на Република Македонија во комуникацијата со Австралија. Претседателот Вељаноски, исто така, подвлече дека, во насока на подобрување и јакнење на соработката меѓу Австралија и Република Македонија потребно е отворање на амбасада на Австралија во Македонија и олеснување на визниот режим за македонските граѓани при патување во Австралија



Среда, 29 февруари 2012 година, Загреб

Учество на пратеникот Хајрула Мисини на годишна конференција

Пратеникот Хајрула Мисини, како претставник на Комисијата за одбрана и безбедност, на покана на РАКВИАК Центар за безбедносна соработка, учествува на дводневна годишна конференција за Реформите во безбедносниот сектор - концепт на добро владеење, која се одржува во Загреб, Хрватска



Вторник, 28 февруари 2012 година, Викторија, Австралија

Претседателот на Собранието на Република Македонија, г. Трајко Вељаноски оствари средби со претставниците на Македонската заедница

Претседателот Вељановски, во текот на денот, оствари средба и со претставниците на Советот на Македонската заедница во Викторија, од чија страна беше информиран за активностите на Советот кои се насочени кон признавање на Република Македонија под уставното име од страна на Австралија, обединување на сите Македонци во Австралија, како и активно вклучување на Македонците во политичкиот живот на Викторија, а подоцна и на федереално ниво. Исто така, претставниците на Советот го инфомираа претседателот Вељаноски за новиот состав на претседателството, кој брои 15 члена - од кои 10 се нови членови, претставници на организациите кои членуваат во Советот



Вторник, 28 февруари 2012 година, Викторија, Австралија

Средба на претседателот, г. Трајко Вељаноски со поддржувачите на иницијативата за формирање на Група за соработка меѓу Парламентот на Викторија и Собранието на Република Македонија

Господин Ендру Елсбери истакна дека ќе продолжи со консултациите со претседавачите на Парламентот на Викторија и ќе побара совет и мислење од парламентот на Западна Австралија во кој веќе има формирано Група за соработка со Македонија. „Потребно е да се формира група за соработка со Собранието на Република Македонија, и истото треба да се случи што е можно поскоро“, истакна г. Елсбери



Понеделник, 27 февруари 2012 година

Претседателот Вељаноски во официјална посета на Австралија

Претседателот на Собранието на Република Македонија, г. Трајко Вељаноски, од денеска е во петдневна официјална посета на Австралија. Претседателот Вељаноски ја предводи Делегацијата составена од: г. Илија Димовски, претседател на Парламентарната група на Собранието на Република Македонија за соработка со Парламентот на Австралија и членовите на Групата: г. Џеват Адеми, г-ѓа Цветанка Иванова, како и г. Милорад Додевски, член и претставник на Македонската дијаспора од Австралија



Понеделник, 27 февруари 2012 година

Литванија со поддршка за членство на Македонија во ЕУ и НАТО

Потпретседателот на Собранието на Република Македонија, г. Јани Макрадули, Пратеничката група на Собранието на Република Македонија за соработка со Парламентите на балтичките земји: Република Естонија, Република Латвија и Република Литванија, Комисијата за европски прашања и Комисијата за надворешна политика, денеска остварија средба со Делегација на Собранието на Литванија, предводена од г. Чесловас Витаутас Станкевичиус, потпретседател на Собранието на Литванија и претседател на Комисијата за европски прашања.



Понеделник, 27 февруари 2012 година, Виена

Делегација на Собранието на Република Македонија учествуваше во ПС на ОБСЕ

На оваа сесија од Собранието на Република Македонија учествуваа г. Сафет Бишевац, заменик-член и г. Владимир Ѓорчев, член на Делегацијата на Собранието на Република Македонија во Парламентарното собрание на Организацијата за безбедност и соработка во Европа

Понеделник, 27 февруари 2012 година

ЈАВНА РАСПРАВА ПО ПРЕДЛОГ- СТАТЕГИЈАТА ЗА СОРАБОТКА НА ВЛАДАТА СО ГРАЃАНСКИОТ СЕКТОР (2012-2017)

Националниот совет за евроинтеграции во соработка со Граѓанската платформа на Македонија организираше јавна расправа по Предлог-стратегијата за соработка на Владата со граѓанскиот сектор за периодот 2012-2017 година.



Среда, 22 февруари 2012 година

Дваесет и прва седница на Комисијата за финансирање и буџет

Комисијата за финансирање и буџет на Собранието на Република Македонија, на вчерашната Дваесет и прва седница, како матично работно тело, во второ читање ги разгледа:



Вторник, 21 февруари 2012 година

СРЕДБА НА ПРЕТСЕДАТЕЛОТ ВЕЉАНОСКИ СО ЕВРОПРАТЕНИЦИТЕ И „ПРИЈАТЕЛИ НА МАКЕДОНИЈА“, РИЧАРД ХОВИТ, ЕДУАРД КУКАН И АЛОЈЗ ПЕТЕРЛЕ

На средбата, претседателот Вељаноски се осврна на досегашната работа на Собранието на Република Македонија и потенцираше дека Собранието во континуитет, веќе трета година, од ЕУ добива позитивна оценка за напредокот, дека се одвива политичкиот дијалог и дека сите субјекти во Република Македонија се залагаат за што побрзо евроинтегрирање



Вторник, 21 февруари 2012 година

„Пријателите на Македонија“ поддржуваат нејзина евроинтеграција

Претседателот на Комисијата за надворешна политика , г. Антонио Милошоски, оствари средба со членовите на групата „Пријатели на Македонија“, европратениците г. Ричард Ховит, г. Едвард Кукан и г. Алојз Петерле.



Четврток, 16 февруари 2012 година

Младите се движечка сила на ИПС проектот

На средбата присуствуваше Н.Е. г-ѓа Гудрун Штајнехер, амбасадор на Сојузна Република Германија во Република Македонија, претседателот на Пратеничката група за соработка со Парламентот на СР Германија, г. Антонио Милошоски и стипендистите Катерина Бакалова, Сашо Андреевски и Виолета Ристеска



Среда, 15 февруари 2012 година

Деветта седница на Комисијата за здравство

Комисијата за здравство на Собранието на Република Македонија на 9. Седница, одржана на 10 февруари 2012 година, како матично работно тело во прво читање, ги разгледа:



Среда, 15 февруари 2012 година

Дванаесетта седница на Комисијата за европски прашања

Комисијата за европски прашања на Собранието на Република Македонија, на 12. Седница, одржана на  9 февруари 2012 година, како заинтересирано работно тело ги разгледа:



Среда, 15 февруари 2012 година

Дванаесетта седница на Комисијата за труд и социјална политика

Комисијата за труд и социјална политика на Собранието на Република Македонија, на 6, 7 и 8 февруари 2012 година, ја одржа својата Дванаесетта седница, нејзиното прво и второ продолжение



Вторник, 14 февруари 2012 година

Дваесетта седница на Комисијата за финансирање и буџет

Комисијата за финансирање и буџет на Собранието на Република Македонија, на Дваесеттата седница, одржана на 8 февруари 2012 година, како матично работно тело, во прво читање, разгледа шест Предлог-закони.



Понеделник, 13 февруари 2012 година

Пленарна седница на Европарламентот

Од 13 до 16 февруари, Европскиот парламент, во Стразбур, ќе одржи пленарна седница, на која во фокусот ќе бидат развојот, вработувањето и сиромаштијата



Четврток, 9 февруари 2012 година

Обраќање на високиот комесар Кнут Волебек пред Комитетот за односи меѓу заедниците

На денешната, Четврта седница на Комитетот за односи меѓу заедниците, свое обраќање имаше високиот комесар за национални малцинства при ОБСЕ, г. Кнут Волебек

Среда, 8 февруари 2012 година

Средба на претседателот Вељаноски со амбасадорот на Република Романија, г. Фокша Јустинијан

Претседателот на Собранието на Република Македонија, г. Трајко Вељаноски, денеска оствари протоколарна средба со новоименуваниот амбасадор на Република Романија, г. Фокша Јустинијан.

Претседателот Вељаноски, посакувајќи му успешен мандат на новоименуваниот амбасадор, истакна дека меѓу Република Македонија и Република Романија нема отворени прашања, што е добра основа за развој на билатералните односи на сите нивоа.

Соговорниците се согласија дека парламентарната соработка и на ниво на претседатели и на ниво на комисии и пратеници треба да ја одбележи 2012 година, како продолжение на билатералната соработка на ниво на претседатели на држави.

Амбасадорот Јустинијан Фокша ја повтори поддршката на Република Романија за евроатлантските интеграции на Република Македонија. 

Среда, 8 февруари 2012 година

ЗАЕДНИЧКА СЕДНИЦА НА НАЦИОНАЛНИОТ СОВЕТ ЗА ЕВРОИНТЕГРАЦИИ И КОМИСИЈАТА ЗА ЕВРОПСКИ ПРАШАЊА

Националниот совет за евроинтеграции и Комисијата за европски прашања, денеска ја одржаа својата трета заедничка седница, на која се разгледа Националната програма за усвојување на правото на Европската унија, ревизија 2012.



Вторник, 7 февруари 2012 година

Јавна расправа на тема: „Правната регулатива за деца во судир со законот, деца жртви и деца сведоци на кривични дела"

Комисијата за труд и социјална политика на Собранието на Република Македонија, на 11. седница, на 2 февруари 2012 година, одржа јавна расправа на тема: „Правната регулатива за деца во судир со законот, деца жртви и деца сведоци на кривични дела".



Петок, 3 февруари 2012 година, Вашингтон

Учество на делегација на Собранието на Република Македонија на Молитвен појадок

Делегација на Собранието на Република Македонија, составена од пратениците г. Владимир Ѓорчев, г. Јани Макрадули и г. Неџати Јакупи, од 30 јануари до 3 февруари 2012 година, се во посета на Соединетите Американски Држави.



Четврток, 2 февруари 2012 година

Работилница за пратениците за предизвиците на националните парламенти во процесот на пристапување во ЕУ

Пратеници од разни политички партии учествуваа на работилницата организирана од ИПА-ТПП проектот (Техничка помош на Парламентот), на тема: „Предизвиците на националните Парламенти во процесот на пристапување во ЕУ“ (искуства на новите земји членки на ЕУ)



Четврток, 2 февруари 2012 година

Нови вработувања – приоритет за ЕУ

Вработувањето и зајакнувањето на економијата се од витално значење за Европската унија, беа согласни членовите на Европскиот парламент за време на вчерашната пленарна седница во Брисел, која продолжува и денеска.



Среда, 1 февруари 2012 година

Трета седница на Комитетот за односи меѓу заедниците

Комитетот за односи меѓу заедниците денеска ја одржа Третата седница со дневен ред „Актуелната состојба во светлина на последните настани и нивното влијание врз меѓуетничките и меѓурелигиските односи во Република Македонија"



Среда, 1 февруари 2012 година

Пленарна седница на Европарламентот

Европскиот парламент, денеска и утре, во Брисел, ќе одржи пленарна седница, на која европратениците ќе расправаат по повеќе прашања, меѓу кои поттикнување развој и вработување