Петок, 30 јули 2010 година

Претседателот г. Трајко Вељаноски ќе положи венец свежо цвеќе

Делегација на Собранието на Република Македонија, предводена од г. Трајко Вељаноски, претседател на Собранието на Република Македонија и членовите г. Јани Макрадули, потпретседател на Собранието на Република Македонија, г-ѓа Наташа Јаневска, пратеник од ВМРО-ДПМНЕ и г-ѓа Зумрете Јакупи, пратеник од ДУИ, по повод 2 Август - Ден на Републиката, во понеделник во 10,00 часот, на плоштад „Македонија“, ќе положи венец свежо цвеќе на споменикот на Методија Андонов Ченто, прв претседател на Президиумот на АСНОМ.



Среда, 28 јули 2010 година

Средба на претседателот на Собранието на Република Македонија, г. Трајко Вељаноски, со г. Илир Мета, заменик-претседател на владата и министер за надворешни работи на Република Албанија

На средбата, претседателот Вељаноски го изрази своето задоволство од досегашното високо ниво на билатерални односи и нагласи дека двете земји заеднички ги споделуваат темелните европски принципи на регионалната соработка и во иднина ќе продолжат да соработуваат во рамките на евроинтеграциските процеси. Претседателот Вељаноски посебно ја нагласи досегашната интензивна парламентарна соработка на сите нивоа, упати благодарност до Република Албанија за нејзината поддршка кон нашата интеграција во НАТО и изрази надеж дека во најскоро можно време ќе изнајдеме решение за нашиот спор со Република Грција кое ќе биде трајно и со коешто двете страни ќе бидат задоволни и како што нагласи претседателот Вељаноски „очекувам целиот регион заедно да биде дел од европското семејство“.



Среда, 28 јули 2010 година

Потпретседателот на Собранието на Република Македонија, г-ѓа Светлана Јакимовска, ќе го отвори jубилејноto издание на фестивалот „Илинденски денови“

Под покровителство на Собранието на Република Македонија, од 29 јули до 1 август 2010 година, во Битола, ќе се одржи по 40-ти јубилеен пат Републичкиот фестивал на народни игри и песни „Илинденски денови“. Потпретседателот на Собранието на Република Македонија, госпоѓа Светлана Јакимовска, официјално ќе го отвори фестивалот



Среда, 28 јули 2010 година

ЕУ порача Македонија да продолжи со реформите

На вчерашниот Седми состанок на Советот за стабилизација и асоцијација меѓу Република Македонија и Европската унија во Брисел, беа разгледани клучните настани поврзани со исполнувањето на политичките критериуми. Од Република Македонија беше побарано да продолжи со реформите, во однос на подобрување на политичкиот дијалог, професионализација на јавната администрација, независност на судството, борба против корупцијата, подобрување во полето на човекови права и подобрување на бизнис средината



Вторник, 27 јули 2010 година

Седми состанок на Советот за стабилизација и асоцијација меѓу Република Македонија и ЕУ

Постигнувањата на Република Македонија на патот кон членство во Европската унија, политичките и економските критериуми, спроведувањето на Спогодбата за стабилизација и асоцијација, финансиската соработка и приспособувањето кон ЕУ законодавството, ќе бидат разгледани на денешниот Седми состанок на Советот за стабилизација и асоцијација меѓу Република Македонија и ЕУ



Сабота, 24 јули 2010 година

Осумдесет и втора седница на Законодавно - правната комисија

Законодавно - правната комисија на Собранието на Република Македонија на Осумдесет и втората седница одржана на 22 јули 2010 година во Прво читање ги разгледа  Предлогот на законот за регулирање на обврските на Република Македонија кон Меѓународниот монетарен фонд по основ на користење на средствата од општата и специјалната нето комулативна алокација на специјални права на влечење одобрени со Резолуција на одборот на гувернери на Меѓународниот монетарен фонд бр.64-3 и бр.52-4 , Предлогот на законот за гаранција на Република Македонија на обврските по Договорот за заем наменет за финансирање на проектот „Рехабилитација на шест хидроенергетски централи”, кој ќе се склучи меѓу Кредитната банка за обнова-КФВ и АД ЕЛЕМ и Предлогот на законот за меѓународна соработка во кривичната материја.



Петок, 23 јули 2010 година

Мирот на Балканот е услов за стабилност на цела Европа

Претседателот на Националниот совет за евроинтеграции, г-ѓа Радмила Шекеринска, денеска оствари средба со г. Пјер Лелуш, министер за европски прашања на Француската Република. Во состав на Делегацијата беа присутни амбасадорот на Француската Република во Република Македонија, Н.Е. Жан Клод Шлумберже, европратеникот г. Арно Данжан и г. Тиери Гишу, заменик-директор во подирекција за Балканската Европа



Петок, 23 јули 2010 година

Седумдесетта седница на Комисијата за финансирање и буџет

Комисијата за финансирање и буџет на Собранието на Република Македонија на 22 јули 2010 година ја одржа својата Седумдесетта седница



Среда, 21 јули 2010 година, Женева

Македонија покажува дека технологијата може многу да помогне во зголемување на транспарентноста, отвореноста и отчетноста

„Ние сме сериозно посветени да продолжиме со понатамошно унапредување на демократијата во сите делови на светот. Ние мора да ја зголемиме јавната доверба кон парламентите и да ја потврдиме најчесто цитираната фраза дека ‘нема демократија без силен парламент’“



Среда, 21 јули 2010 година

Трето продолжение на Единаесеттата седница на Комисијата за култура

Комисијата за култура, денеска, на третото продолжение на Единаесеттата седница од Надзорната расправа на тема: „Имплементација на Законот за донации и спонзорства во јавните дејности“, согласно со членот 23 став 2 од Законот за Собранието на Република Македонија, а врз основа на надзорната расправа едногласно го усвои следниов Заклучок

Понеделник, 19 јули 2010 година

Учество на потпретседателот на Собранието на Република Македонија, г. Јани Макрадули на Третата светска конференција на спикери на парламентите

Потпретседателот на Собранието на Република Македонија, г. Јани Макрадули учествува на Третата светска конференција на спикери на парламентите која во организација на Интерпарламентарната унија се одржува во Женева од 19 до 21 јули 2010 година.

„Парламентите во светот на криза: обезбедување на глобална демократска одговорност за заедничко добро на сите“  е централна тема на конференцијата.

Повеќе од 150 претседатели на парламенти ќе учествуваат на оваа Трета светска конференција на спикери на парламенти, која се одржува секои пет години. Како највисоки законодавни претставници, тие во рамките на тродневната расправа ќе се обидат да дадат колективни одговори за повеќето предизвици со кои се соочува светот. Конференцијата ќе се одржи во ООН во Женева, а на отворањето ќе зборува генералниот секретар на ООН, г. Бан Ки Мун.

Се очекува конференцијата да заврши со усвојување на декларација. 



Петок, 16 јули 2010 година

Педесет и четврта седница на Комисијата за европски прашања

Комисијата за европски прашања на Собранието на Република Македонија, денеска ја одржа својата Педесет и четврта седница. На седницата беше разгледана Информацијата за реализираните активности од Националната програма за усвојување на правото на Европската унија, ревизија 2010, за периодот 1.4.2010 - 30.6.2010, изготвена од страна на  Секретаријатот за европски прашања, како и Предлог-законот за меѓународна соработка во кривичната материја - прво читање, чиј предлагач е Министерството за правда.

Во врска со првата точка на дневниот ред, свое обраќање имаше вицепремиерот задолжен за европски прашања,  г. Васко Наумовски, кој меѓу другото истакна дека динамиката на усогласување на македонското законодавство со европското бележи континуитет и дека во изминатиот период е постигнат голем напредок во однос на сите поглавја на Националната програма за усогласување на правото на Европската унија.

Претседателот на Комисијата за европски прашања, г. Петар Поп-Арсов, го поздрави навременото доставување на Информацијата од страна на Секретаријатот за европски прашања и истакна дека истата е доказ за транспарентното и одговорно работење на Владата на Република Македонија.

Ставот на најголемата опозициона партија, го изнесе пратеникот г. Игор Ивановски, кој истакна дека има забавување на реформскиот процес и дека евроинтегративниот процес на Република Македонија не оди во добра насока.

Во врска со втората точка, заменик-министерот за правда, г. Ибрахим Ибрахими, ја образложи потребата за донесување на Предлог-законот за меѓународна соработка во кривичната материја од аспект на неговата усогласеност со правото на Европската унија.



Среда, 14 јули 2010 година

Средба на претседателот на Собранието на Република Македонија, г. Трајко Вељаноски, со претседателот на Република Латвија, г. Валдис Затлерс

Претседателот Вељаноски посебно ја нагласи активноста на Собранието на Република Македонија во поглед на хармонизација на законодавството со ЕУ, го истакна значењето на парламентарната и регионална соработка и го искажа своето очекување дека Република Македонија за краток период ќе стане членка на НАТО и ќе ги започне преговорите со ЕУ и во таа насока го поздрави фактот што Република Латвија се залага билатералните спорови, како што е нашиот спор со Република Грција, да не биде директен услов за напредување во евроинтегративните процеси



Среда, 14 јули 2010

Осумдесет и прва седница на Законодавно-правната комисија

Законодавно-правната комисија на Собранието на Република Македонија, на Осумдесет и првата седница, одржана на 13 јули 2010 година, го разгледа Предлогот на законот за изменување на Законот за данокот на додадена вредност, по скратена постапка.

Претседателот на Комисијата, г-ѓа Благородна Дулиќ, ги извести пратениците дека во рокот утврден со Деловникот на Собранието на Република Македонија не се поднесени амандмани од овластените предлагачи.

Во расправата по Предлог-законот, учествуваше повереникот на Владата на Република Македонија, г. Борче Смилевски, раководител на Сектор во Министерството за финансии, кој ги образложи причините за донесување на овој закон.

Комисијата Предлогот на законот за изменување на Законот за данокот на додадена вредност, по скратена постапка, го проследи на натамошна постапка во Собранието на Република Македонија.

Вторник, 13 јули 2010 година

Шеесет и деветта седница на Комисијата за финансирање и буџет

Комисијата за финансирање и буџет на Собранието на Република Македонија, денеска, на својата Шеесет и деветта седница, како матично работно тело го разгледа Предлогот на закон за изменување на Законот за данокот на додадена вредност (по скратена постапка).

Воведно образложение по предложениот закон даде повереникот на Владата, г. Борче Смилевски. Тој истакна дека со измените се предлага продолжување на примената на повластена даночна стапка од 5% за прометот и увозот на земјоделска механизација до пристапување на Република Македонија во членство на Европската унија. 

Ваквата мерка е во функција на поттикнување на развојот на земјоделството, со цел да се стимулира набавката на земјоделска механизација која ќе придонесе за поголема продуктивност во земјоделието. Ова особено е значајно за индивидуалните земјоделски производители кои не се регистрирани субјекти за целите на данокот на додадена вредност и кои немаат право на одбивка на претходно платен ДДВ. 

Од наведените причини, а заради континуитет на примената на повластената даночна стапка од 5% за прометот и увозот на земјоделска механизација, се предлага овој закон да се применува од 1 јули 2010 година.  

Комисијата едногласно заклучи дека согласно Деловникот на Собранието на Република Македонија не се исполнети условите за подготвување на Дополнет предлог на закон и му предлага на Собранието на Република Македонија да го разгледа и донесе законот за изменување на Законот за данокот на додадена вредност.



Понеделник, 12 јули 2010 година

Средба на претседателот на Собранието на Република Македонија, г. Трајко Вељаноски, со претседателот на Република Хрватска, г. Иво Јосиповиќ

Претседателот на Собранието на Република Македонија, г. Трајко Вељаноски се сретна со претседателот на Република Хрватска, г. Иво Јосиповиќ, во рамките на неговата прва официјална посета на Република Македонија. На средбата, претседателот Вељаноски го нагласи значењето на овој континуитет на средби на највисоко ниво меѓу двете страни како поттик и наша заедничка определба да ги зацврстуваме нашите билатерални пријателски односи и во иднина



Петок, 9 јули 2010 година

Средба на претседателот на Собранието на Република Македонија, г. Трајко Вељаноски со претседателот на Народното Собрание на Република Србија, г-ѓа Славица Ѓукиќ-Дејановиќ

Претседателот на Собранието на Република Македонија, г. Трајко Вељаноски беше домаќин на својата колешка, претседателот на Народното Собрание на Република Србија, г-ѓа Славица Ѓукиќ-Дејановиќ



Петок, 9 јули 2010 година

Средба со г-ѓа Славица Ѓукиќ-Дејановиќ, претседател на Народното собрание на Република Србија

Пратеничката група на Собранието на Република Македонија за соработка со Парламентот на Република Србија денеска имаше средба со г-ѓа Славица Ѓукиќ-Дејановиќ, претседател на Народното собрание на Република Србија



Петок, 9 јули 2010 година, Комисија за европски прашања

Разгледана Програмата и приоритетите за работата на Претседателството на Кралството Белгија со ЕУ

Комисијата за европски прашања на Собранието на Република Македонија на седницата одржана на 8 јули 2010 година ги разгледа Програмата и приоритетите за работата на Претседателството на Кралството Белгија со Европската унија, за период 1 јули - 31 декември 2010 година, претставени од амбасадорот на Кралството Белгија, Н.Е Марк Микелсон.



Четврток, 8 јули 2010 година

Претседателот на Собранието на Република Македонија, г. Трајко Вељаноски, донесе мерки во врска со настаните случени на 1 јули 2010 година

Врз основа на член 43 став (4) од Законот за Собранието на Република Македонија, остварената консултација со потпретседателите на Собранието и координаторите на пратеничките групи, одржана на 6 и 8 јули 2010 година, увидот во видео-записите од мониторинг-системот пред и во зградата на Собранието на Република Македонија, извршен и врз основа на барање на група пратеници, како и врз основа на збирните информации добиени од Внатрешното обезбедување на Собранието, во врска со настаните случени на 1 јули 2010 година, одлучив да ги донесам следните мерки



Четврток, 8 јули 2010 година

Шеесет и осма седница на Комисијата за финансирање и буџет

Комисијата за финансирање и буџет на Собранието на Република Македонија на 7 јули 2010 година ја одржа својата Шеесет и осма седница



Вторник, 24 август 2010 година

Седумдесет и прва седница на Комисијата за финансирање и буџет

Комисијата за финансирање и буџет на Собранието на Република Македонија, на 23 август 2010 година, ја одржа Седумдесет и првата седница, на која како матично работно тело разгледа четири Предлог-закони:

• Предлог на закон за изменување и дополнување на Законот за правното наследство на Република Македонија на членството во Меѓународниот монетарен фонд (второ читање);
• Предлог на закон за регулирање на обврските на Република Македонија кон Меѓународниот монетарен фонд по основ на користење на средствата од општата и специјалната нето комулативна алокација на специјални права на влечење одобрени со Резолуција на одборот на гувернери на меѓународниот монетарен фонд бр.64-3 и бр.52-4  (второ читање);
• Предлог на закон за задолжување на Република Македонија со заем кај Меѓународната банка за обнова и развој - Светската банка по Договорот за заем за дополнителното финансирање на Проектот за катастар на недвижности и регистрација (второ читање);
• Предлог на закон за гаранција на Република Македонија на обврските по Договорот за заем наменет за финансирање на проектот „Рехабилитација на шест хидроенергетски централи“, кој ќе се случи меѓу Кредитната банка за обнова-КФВ и АД ЕЛЕМ (второ читање).

Со оглед на тоа што по Предлогот на закон за изменување и дополнување на Законот за правното наследство на Република Македонија на членството во Меѓународниот монетарен фонд, не беа поднесени амандмани, Комисијата  едногласно заклучи да му предложи на Собранието да го разгледа и да го донесе Законот за изменување и дополнување на Законот за правното наследство на Република Македонија на членството во Меѓународниот монетарен фонд.

По Предлогот на закон за регулирање на обврските на Република Македонија кон Меѓународниот монетарен фонд по основ на користење на средствата од општата и специјалната нето комулативна алокација на специјални права на влечење одобрени со Резолуција на одборот на гувернери на меѓународниот монетарен фонд бр.64-3 и бр.52-4, беа поднесени Амандман на членот 3, Амандман за додавање на нов став 2 по ставот 1 во членот 3, Амандман за додавање на нов член 5-а по членот 5, кои од страна на Комисијата не беа усвоени.

Комисијата со 5 гласа „за“, 2 „против“ и 1 „воздржан“, заклучи дека не се испонети условите за подготовка на Дополнет предлог на овој закон и му предлага на Собранието да го разгледа и донесе законот за регулирање на обврските на Република Македонија кон Меѓународниот монетарен фонд по основ на користење на средствата од општата и специјалната нето комулативна алокација на специјални права на влечење одобрени со Резолуција на Oдборот на гувернери на Меѓународниот монетарен фонд бр.64-3 и бр.52-4.

Комисијата со 3  гласа „за“ и 5 „против“  не го усвои Амандманот за додавање на нов член 5-а по членот 5 на Предлогот на закон за задолжување на Република Македонија со заем кај Меѓународната банка за обнова и развој - Светската банка по Договорот за заем за дополнителното финансирање на Проектот за катастар на недвижности и регистрација.

Комисијата со 5гласа „за“,  2 „против“ и 1 „воздржан“, заклучи дека не се исполнети условите да се подготви Дополнет предлог и му предложи на Собранието да го разгледа и донесе Законот за задолжување на Република Македонија со заем кај Меѓународната банка за обнова и развој - Светската банка по Договорот за заем за дополнителното финансирање на Проектот за катастар на недвижности и регистрација.

Амандманот за додавање на нов член 6-а по членот 6 по Предлогот на законот за гаранција на Република Македонија на обврските по Договорот за заем наменет за финансирање на проектот „Рехабилитација на шест хидроенергетски централи“, кој ќе се склучи меѓу Кредитната банка за обнова-КфВ и АД ЕЛЕМ Комисијата  со 3 гласа „за“ и 5 „против“, не го усвои.

Комисијата со 7 гласа „за“ и 1 „воздржан“, заклучи дека не се исполнети условите да се подготви Дополнет предлог и му предложи на Собранието да го разгледа и донесе Законот за гаранција на Република Македонија на обврските по Договорот за заем наменет за финансирање на проектот „Рехабилитација на шест хидроенергетски централи“, кој ќе се склучи меѓу Кредитната банка за обнова-КфВ и АД ЕЛЕМ.



Вторник,  6 јули 2010 година

Четириесет и петта седница на Комисијата за економски прашања

Комисијата за економски прашања на Собранието на Република Македонија на 5 јули 2010 година ја одржа својата Четириесет и петта седница.

Комисијата како матично работно тело ги разгледа:

1. Предлогот на Закон за изменување и дополнување на Законот за јавните претпријатија, по скратена постапка;
2. Предлогот на закон за Европско друштво (второ читање);
3. Предлогот на закон за изменување и дополнување на Законот за вршење на занаетчиската дејност (второ читање);
4. Предлогот на закон за изменување и дополнување на Законот за трговија (второ читање);
5. Предлогот на закон за изменување и дополнување на Законот за угостителската дејност (второ читање).

Во претресот на предложените амандмани учествуваше заменик-министерот за економија, д-р Методиј Хаџи-Васков.

- По Предлогот на Закон за изменување и дополнување на Законот за јавните претпријатија, Комисијата за економски прашања го претресе амандманот по членот 1 со кој се предлага додавање на нов став 3, и истиот не го усвои.

- Во рокот утврден со Деловникот на Собранието на Република Македонија, по Предлогот на закон за Европско друштво не беа поднесени амандмани од овластени предлагачи.

Заменик-министерот за економија во својата дискусија истакна дека сите одредби коишто се дефинирани во овој Предлог на закон ќе почнат да се применуваат со влегувањето на Република Македонија во ЕУ и сите работи коишто се истакнати во законот го намалуваат преостанатиот дел којшто треба да се спроведе и тоа во однос на правото на трговските друштва каде што изминатите години имаше голем успех.

Со донесувањето на овој закон, Република Македонија е многу близу во однос на усогласувањето и хармонизацијата во однос  на Законот за трговските друштва.

Во однос на местото каде што е регистрирана компанијата, заменик-министерот истакна дека се направени многу анализи од аспект истата да го менува своето место на основање, односно регистрација, без да имаат обврска да одат во ликвидација.

На крајот на своето излагање, тој истакна дека ќе се следат сите регулативи коишто се однесуваат на прекуграничното спојување и на можностите за основање на европски друштва.

- Во однос на Предлогот на закон за изменување и дополнување на Законот за вршење на занаетчиската дејност, во рокот утврден со Деловникот на Собранието на Република Македонија, беа поднесени 11 амандмани од кои 8 не беа усвоени, а три беа повлечени од овластени предлагачи.

- По Предлогот на закон за изменување и дополнување на Законот за трговија, Комисијата ги претресе и не ги усвои предложените четири амандмани.

- Комисијата за економски прашања во рокот утврден со Деловникот на Собранието на Република Македонија ги претресе и не ги усвои трите амандмани од овластени предлагачи по Предлогот на закон за изменување и дополнување на Законот за угостителската дејност.

По завршувањето на расправата, Комисијата за економски прашања, петте Предлог-закони ги проследи на натамошна постапка во Собранието на Република Македонија.



Понеделник, 5 јули 2010 година

Средба на претседателот на Собранието на Република Македонија, г. Трајко Вељаноски, со пратеникот на владејачката партија во Западна Австралија, г. Антонио Крстиќевиќ

Претседателот на Собранието на Република Македонија, г. Трајко Вељаноски, се сретна со пратеникот од владејачката партија во Западна Австралија, г. Антонио Крстиќевиќ. На средбата, претседателот Вељаноски изрази задоволство од зголемениот интензитет на политичка соработка на високо ниво помеѓу двете земји во текот на оваа година и изрази надеж дека оваа соработка ќе продолжи уште позасилено преку соработката на парламентарците на сите нивоа



Понеделник, 5 јули 2010 година

Пратеникот Илија Димовски се сретна со г. Антонио Крстиќевиќ

Претседателот на Пратеничката група на Собранието на Република Македонија за соработка со парламентот на Австралија, г. Илија Димовски, денеска имаше средба со г. Антонио Крстиќевиќ, пратеник на владејачката партија во Западна Австралија. На средбата присуствуваше и г. Владимир Ѓорчев, член на Пратеничката група на Собранието на Република Македонија за соработка со Парламентот на Австралија



Понеделник, 5 јули 2010 година, Брисел

За Република Македонија клучен приоритет е непречено одвивање на евроинтегративниот процес

Претседателот на Комисијата за европски прашања на Собранието на Република Македонија, г. Петар Поп-Арсов, од 4 до 6 јули 2010 година учествува на Конференција на претседателите на комисиите за европски прашања на државите-членки на Европската унија - КОСАК, што се одржува во Брисел, Кралството Белгија



Четврток, 1 јули 2010 година

Шеесет и шеста седница на Комисијата за финансирање и буџет

Комисијата за финансирање и буџет на Собранието на Република Македонија, на Шеесет и шестата седница, одржана на 21, 22, 23, 25, 28, 29 и 30 јуни 2010 година, како матично работно тело го разгледа Предлогот за изменување и дополнување на Буџетот на Република Македонија за 2010 година



Четврток, 1 јули 2010 година

Белгија го презема претседавањето со ЕУ

Од денеска, 1 јули 2010 година, Шпанија официјално ѝ го предава на Белгија ротационото претседателство со Европската унија. Меѓу приоритетите во наредните шест месеци, оваа држава го има и проширувањето на Унијата со земјите од Западен Балкан