Петок, 29 октомври 2010 година

Посета на Државниот завод за статистика

Комисијата за политички систем и односи меѓу заедниците на Собранието на Република Македонија на 27.10.2010 (среда) го посети Државниот завод за статистика

Петок, 29 октомври 2010 година

Измени на Лисабонскиот договор со цел финансиска стабилност

На дводневниот самит на Европската унија, кој започна вчера во Брисел и кој заврши неколку часа по полноќ, лидерите на земјите-членки на ЕУ го прифатија Акциониот план за мала измена на Лисабонскиот договор, во однос на воспоставувањето постојан кризен механизам за финансиската стабилност на еврозоната

Четврток, 28 октомври 2010 година

Дводневен самит на ЕУ во Брисел

Лидерите на Европската унија, денеска и утре во Брисел, ќе одржат самит, на кој главен акцент ќе се стави на засилувањето на економската контрола во државите-членки на ЕУ, како би се избегнале нови економски кризи во иднина.

За таа цел, посебна комисија, со која претседава претседателот на Европскиот совет, г. Херман Ван Ромпуј, предложи мерки за засилување на финансиската дисциплина, кои ќе бидат разгледани од шефовите на држави и влади на Унијата.

На дводневниот самит, ќе стане збор и за евентуалните промени кај Лисабонскиот договор, за заедничката европска позиција во пресрет на средбата на Г-20 во Сеул и на Конференцијата на ОН за животна средина во Канкун, како и за претстојните средби на високо ниво со стратешките партнери на ЕУ - САД и Русија.

Среда, 27 октомври 2010 година

Членовите на Комитетот за односи меѓу заедниците имаа средба со претставници на германската непрофитна организација Кристијан Шварц-Шилинг

На 26 октомври 2010 година, на барање на претставници на германската непрофитна организација Кристијан Шварц-Шилинг, ЦССП проект за Македонија, во зградата на Собранието на Република Македонија, се одржа средба со членовите на комитетот на тема работата на Комитетот за односи меѓу заедниците и неговата улога во остварување на правата на заедниците во Република Македонија

Вторник, 26 октомври 2010 година, Брисел

Ефикасно спроведување на реформскиот процес

Република Македонија е фокусирана на двете, за нас, главни цели: ефикасно спроведување на реформскиот процес и максимизирање на напорите за разрешување на спорот во однос на името на државата којшто беше наметнат од нашиот јужен сосед, Република Грција

Понеделник, 25 октомври 2010 година

Прва официјална средба на Пратеничката група на Собранието на Република Македонија за соработка со Парламентот на Република Косово

Претседателот на Пратеничка група на Собранието на Република Македонија за соработка со парламентот на Република Косово, г. Илија Китаноски, денеска оствари средба со г. Скендер Дурмиши, в.д амбасадор на Република Косово во Република Македонија. На средбата присуствуваа и членовите на пратеничката група: г-ѓа Силвана Бонева, г. Јани Макрадули, г. Абедин Зумбери, г. Сафет Незири, г. Џемаил Јашари и г-ѓа Роза Топузова-Каревска.

Понеделник, 25 октомври 2010 година

Осумдесет и прва седница на Комисијата за финансирање и буџет

Комисијата за финансирање и буџет на Собранието на Република Македонија, на 21 октомври 2010 година, ја одржа својата Осумдесет и прва седница

Петок, 22 октомври 2010 година

Претседателот на Собранието, г. Трајко Вељаноски, го прими претседателот на Владата на Црна Гора, г. Мило Ѓукановиќ

На средбата, претседателот на Собранието на Република Македонија, г. Трајко Вељаноски, потсетувајќи на традиционално пријателските односи меѓу двете држави, истакна дека Република Македонија и Република Црна Гора споделуваат заеднички вредности и цели, а тоа се евроатлантските интеграции. Ова не само што придонесува во натамошно продлабочување на билатералните односи, туку дава и голем придонес во стабилноста на регионот и неговата евроатлантска интеграција, истакна претседателот Вељановски.

Петок, 22 октомври 2010 година

Германскиот проект за стипендирање на студенти - голема придобивка за македонското собрание

Во рамките на „Меѓународната парламентарна стипендија“ (ИПС), потпретседателот на Собранието на Република Македонија, г. Рафис Аљити, оствари средба со Делегација на германскиот Бундестаг, на која истакна дека Собранието високо ја цени соработката во рамките на Проектот за стипендирање, преку кој на младите идни лидери им се нуди можност да работат во канцелариите на германските пратеници и со тоа директно да се запознаат со работата на Бундестагот

Петок, 22 октомври 2010 година

Меѓународната парламентарна стипендија можност за поврзување на стипендисти од различни земји

Претседателот на Пратеничка група на Собранието на Република Македонија за соработка со Парламентот на Сојузна Република Германија, г. Јован Гинев, оствари средба со Делегација на германскиот Бундестаг по повод проектот „Меѓународната парламентарна стипендија“ (ИПС). На средбата присуствуваа и членовите: потпретседателот на Собранието на Република Македонија г. Рафис Аљити, пратениците г. Александар Спасеновски, г. Игор Ивановски и г-ца Христина Рунчева.

Седумнаесетта седница на националниот совет за евроинтеграции

Петок, 22 октомври 2010 година

Педесетта седница на Комисијата за економски прашања

Комисијата за економски прашања на Собранието на Република Македонија, на Педесеттата седница одржана денеска, како матично работно тело го разгледа Предлогот на закон за изменување и дополнување на Законот за минерални суровини (второ читање)

Петок, 22 октомври 2010 година

Четириесет и деветта седница на Комисијата за економски прашања

Комисијата за економски прашања на Собранието на Република Македонија, на денешната Четириесет и деветта седница (прво продолжение), како матично работно тело ги разгледа: Предлогот на закон за изменување и дополнување на Законот за трговија (второ читање), Предлогот на закон за изменување и дополнување на Законот за технолошки индустриски развојни зони (прво читање) и Предлогот на закон за изменување и дополнување на Законот за основање на Агенција за промоција и поддршка на туризмот во Република Македонија (прво читање)

Петок, 22 октомври 2010 година

Заврши четиридневната пленарна сесија на Европарламентот

На октомвриската сесија на Европскиот парламент, која се одржа од 18 до 21 октомври во Стразбур, меѓу другото, беше покрената кампања за борба против сиромаштијата, со усвојување на резолуција за минимален приход и се даде поддршка за создавањето на служба за надворешна работа на Европската унија

Четврток, 21 октомври 2010 година

Проактивна политика со цел побрзо интегрирање на регионот во евроатлантските структури

„Цврсто веруваме дека сите ние, земјите од Балканот, имаме капацитет да изградиме нов Балкан, ослободен од остатоците на минатото. Имаме иста цел, исти интереси, заедничка иднина. Потребни се натамошни напори постигнатиот прогрес да стане сигурен и неповратен. Нашата политика мора да биде проактивна со што побрзо интегрирање на регионот во евроатлантските структури“, посочи г. Талат Џафери, шеф на делегацијата на Собранието на Република Македонија во Парламентарното собрание на НАТО, на  третиот ден од Седумдесет и петтиот РОС-РОТ семинар, на тема: „Косово по советодавното мислење на Меѓународниот суд на правдата (ICJ): што потоа?“.

Четврток, 21 октомври 2010 година

Надзорна расправа за имплементација на Законот за слободен пристап до информации од јавен карактер

На својата Шеесетта седница, Комисијата за политички систем и односи меѓу заедниците на Собранието на Република Македонија, одржа Надзорна расправа на тема „Имплементација на Законот за слободен пристап до информации од јавен карактер“

Четврток, 21 октомври 2010 година

Осумдесет и прва седница на Комисијата за финансирање и буџет

Комисијата за финансирање и буџет на Собранието на Република Македонија денеска ја одржа својата Осумдесет и прва седница, на која како матично работно тело разгледа шест Предлог-закони

Среда, 20 октомври 2010 година

НАТО со отворени врати за членство на сите балкански земји

На вториот ден од Седумдесет и петтиот РОС-РОТ семинар на тема „Југоисточна Европа: создавање на нов моментум“, кој се одржува во заедничка организација на Собранието на Република Македонија и Парламентарното собрание на НАТО, беше истакнато дека НАТО, како организација ориентирана кон безбедноста, има отворени врати за членство на сите балкански земји.

Среда, 20 октомври 2010 година

Шеесетта седница на Комисијата за европски прашања

Комисијата за европски прашања на Собранието на Република Македонија, на својата вчерашна седница, ја разгледа Информацијата за реализираните активности од Националната програма за усвојување на правото на Европската унија - ревизија 2010, за периодот 1.7.2010 - 30.9.2010.

Среда, 20 октомври 2010 година

Четириесет и деветта седница на Комисијата за економски прашања

Комисијата за економски прашања на Собранието на Република Македонија, на Четириесет и деветтата седница, вчера, како матично работно тело го разгледа Предлогот на закон за Законот енергетика (прво читање).

Вторник, 19 октомври 2010 година

Средба на претседателот на Собранието на Република Македонија, г. Трајко Вељаноски, со новоименуваниот амбасадор на Кралството Шведска во Република Македонија, Н.Е. Ларс Вахлунд

Претседателот на Собранието на Република Македонија, г. Трајко Вељаноски, го прими новоименуваниот вонреден и ополномоштен амбасадор на Кралството Шведска во Република Македонија, Н.Е. Ларс Вахлунд. На средбата, претседателот Вељаноски ја нагласи досегашната поддршка кон нашите евроатлански интеграции од страна на Шведска, како земја вистински пријател на Република Македонија и особено го истакна успешното шведско претседавање со ЕУ минатата година и искажаната подготвеност од нивна страна да не поддржат во добивањето на датум за отпочнување на преговорите со ЕУ

Вторник, 19 октомври 2010 година

ОБРАЌАЊЕ НА ПРЕТСЕДАТЕЛОТ ВЕЉАНОСКИ НА 75. РОС-РОТ СЕМИНАР

Дами и господа,
За спорот со Грција, нема да зборувам, бидејќи на сите добро ни е познат. Тоа што сакам да го истакнам е дека и по Букурешт, Република Македонија од многу интензивно, преку, би рекол, прагматични форми, ја развива соработката со НАТО. Исто така, Република Македонија останува во процесот на преговорите кои се водат под покровителство на Обединетите нации за изнаоѓање на компромисно решение за наметнатиот спор. Сакам да потсетам дека токму Собранието на Република Македонија има донесено неколку документи кои ја обврзуваат Владата да ги продолжи преговорите, но во исто време јасно е дефинирано дека компромисното решение не може да задира во националниот, јазичниот и културниот идентитет на македонскиот народ, за што постои целосен политички консензус меѓу парламентарните партии, без разлика дали станува збор за владејачкото мнозинство или опозицијата и без оглед на етничката припадност. Во исто време, според последните истражувања на јавното мислење, над 82 проценти од граѓаните го поддржуваат членството на Република Македонија во НАТО. Сето ова јасно покажува дека во Република Македонија сите политички субјекти, како и цивилното општество, иднината на државата, како и на целиот регион ја гледаат во евроатлантските интеграции. 

Вторник, 19 октомври 2010 година

Југоисточна Европа: Креирање на нов моментум

На отворањето на семинарот поздравно обраќање имаа претседателот на Собранието на Република Македонија, г. Трајко Вељаноски, Н. Е. г-ѓа Никол Вирш, амбасадор на Швајцарската Конфедерација во Република Македонија, потоа г. Џејмс Пердју, поранешен помошник на генералниот секретар на НАТО и поранешен американски амбасадор во Република Бугарија и парламентарецот г. Марк Ангел, известител на Поткомисијата за демократско владеење и заменик-шеф на делегацијата на Луксемебург во ПС на НАТО

Вторник, 19 октомври 2010 година

Четириесет и четврта седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Македонија, на вчерашната 44. Седница, како матично работно тело во прво читање го разгледа Предлогот на закон за безбедност на храна

Понеделник, 18 октомври 2010 година

Претседателот на Европскиот совет, г. Херман Ван Ромпуј, утре во Република Македонија

Претседателот на Европскиот совет, г. Херман Ван Ромпуј, утре, во рамките на својата балканска турнеја, ќе ја посети и Република Македонија. На еднодневната посета во Република Македонија, претседателот на Европскиот совет ќе оствари средба со македонскиот државен врв.

Пред почетокот на турнејата, г. Херман Ван Ромпуј, во своето видео-обраќање, на властите на Македонија, Албанија, Босна и Херцеговина и Црна Гора, им порача дека за Западниот Балкан стои отворено местото во европскиот дом.

Споровите треба да се решат пред земјите да бидат примени во Унијата и дека од нив се очекува многу да работат.

„Ни требаат поинтензивни севкупни реформи во клучните области: демократија, добро раководење, човекови права и владеење на правото. Корупцијата и организираниот криминал се закана за стабилноста и економскиот развој. Силната регионална соработка мора да води кон добри меѓусоседски односи”, посочи г. Херман Ван Ромпуj.

Теми кои се очекува да доминираат на овие средби се претстојниот извештај на Европската комисија за напредокот на Македонија, а се очекува да стане збор и за билатералниот проблем за името со Грција.

Воедно, претседателот на Европскиот совет на својата балканска турнеја ќе ги посети и Црна Гора, Босна и Херцеговина и Албанија.

Понеделник, 18 октомври 2010 година

Пленарна седница на Европскиот парламент

Од 18 до 21 октомври, во Стразбур, Европскиот парламент ќе одржи пленарна седница, на која, европратениците, меѓу другото, ќе повикаат на зголемување на инвестициите во научните истражувања, иновациите, образованието, енергетиката, ќе побараат поддршка за Палестина, како и започнување преговори за актуелната долгорочна буџетска рамка и нови начини за финансирање на буџетот

Петок, 15 oктомври 2010 година, Национален совет за евроинтеграции

Јавна расправа по Предлог-законот за безбедност на храна

Националниот совет за евроинтеграции продолжува со организирање на јавни расправи за законите за кои е неопходна поширока дебата која ќе овозможи донесување на квалитетни закони и квалитетна подготовка за прифаќање на обврските од членството на Република Македонија во Европската унија. Предлог-законот за безбедност на храна произлегува од Националната програма за усвојување на правото на Европската унија (НПАА Ревизија 2010).

Четврток, 14 октомври 2010 година

Претседателот Вељаноски и пратениците земаа учество во хуманитарната акција - ден на службата

Во своето поздравно обраќање претседателот Вељаноски истакна дека со учеството на Собранието на Република Македонија во оваа хумана и благородна акција се афирмира и на дело се покажува заедничката солидарност на пратениците, без оглед на разликите кои тие ги имаат. Тој, исто така, изрази надеж дека со овој заеднички чин ќе се поттикнат и други акции на солидарноста со цел да им се помогне на најранливите категотрии граѓани во Република Македонија

Четврток, 14 октомври 2010 година

Македонската радиодифузна телевизија да се трансформира во вистински јавен сервис

Комисијата за транспорт, врски и екологија, на својата Педесет и осма седница, организираше Јавна расправа на тема: Каков радиодифузен сервис ѝ е потребен на Република Македонијa

Четврток, 14 октомври 2010 година

Регионалната парламентарна соработка значајна за успешна борба против сиромаштијата и социјалната исклученост

Во организација на Собранието на Република Србија и Регионалниот совет за соработка, од 11 до 13 октомври, во Белград се одржа Регионална конференција на тема „Борба против сиромаштија и социјална исклученост во контекст на евроинтеграциските процеси: Улога на националните парламенти", на која учествуваа и пратениците - членови на Комисијата за труд и социјална политика на Собранието на Република Македонија: г. Никола Котевски и г-ѓа Станка Анастасова

Вторник, 12 октомври 2010 година

Регионалната политичка соработка на Западен Балкан клучна за евроатланските интеграции

Собранието на Република Македонија, заедно со Фондацијата „Конрад Аденауер“ и Институтот за демократија „Societas Civils“ Скопје, денеска организираа Тркалезна маса на тема „Регионалната политичка соработка на Западен Балкан - на пат кон заедничката цел евроатланските интеграции" .

На Тркалезната маса воведни излагања имаа директорот на Фондацијата „Конрад Аденауер“, г. Анри Боне и директорот на Институтот за демократија „Societas Civils“, г. Владимир Мисев, воедно земаа учество и координаторот на пратеничката група на ВМРО-ДПМНЕ, г-ѓа Силвана Бонева, Н.Е. Алаин Брајан Бергант, амбасадор на Словенија во Република Македонија, Н.Е. Томислав Џурин, амбасадор на Република Србија во Република Македонија, г. Сафет Незири, пратеник на ДУИ, Н.Е. Арбен Чејку, амбасадор на Албанија во Република Македонија, г-ѓа Лилјана Поповска, пратеник и член на Комисијата за надворешна политика и г-ца Христина Рунчева, пратеник и член на Комисијата за надворешна политика при Собранието  на Република Македонија.

Пратеници и амбасадори на земјите од регионот имаа можност да дискутираат и да ги споделат своите погледи во однос на поволностите од зајакнатата регионална соработка на полето на безбедноста, економијата, транспортот, инфраструктурата, животната околина, борбата против организираниот криминал на патот на Република Македонија кон ЕУ, како и евроатланската интеграција на нејзините соседи на Балканот.

Јакнењето на регионалната соработка во регионот Западен Балкан претставува една од круцијалните заложби на сите земји од регионот и клучен фактор за воспоставување и одржување политичка стабилност, сигурност и економски просперитет. Оттука, заложбите за зајакната соработка во овие сфери останува да биде висок приоритет на владите на земјите од регионот.

Меѓу мислењата изнесени на денешната Тркалезна маса, се дека регионалната соработка не може директно да не внесе во ЕУ и НАТО, но може да придонесе за нејзино побрзо етаблирање, дека треба да се интензивира парламентарната соработка како приоритет на регионалната соработка за пратениците да бидат промотори и двигатели на овој процес преку работа на проекти кои би придонеле за инфраструктурно, економско и културно поврзување помеѓу земјите од регионот, со цел надминување на стереотипите од минатото и дека политичкиот дијалог помеѓу државите е клучен за ЕУ приближување.

Со цел поширока афирмација на улогата на регионалната соработка на Западен Балкан во процесот на интеграција на регионот кон евроатланските структури, потребата од регрутирање на експертизата во сферата и поттикнување на јавна дебата, беше промовирано и новото, триесет и прво издание на „Политичка мисла“ посветено на оваа тема.

Петок, 8 октомври 2010 година

Седумдесет и деветта седница на Комисијата за финансирање и буџет

Комисијата за финансирање и буџет на Собранието на Република Македонија, на Седумдесет и деветтата седница, одржана на 7 октомври 2010 година, како матично работно тело го разгледа Предлогот на закон за задолжување на Република Македонија кај Банката за развој при Советот на Европа по Рамковниот договор за заем за делумно финансирање на Проектот за реконструкција на казнено-поправните установи (по скратена постапка).

Четврток, 7 октомври 2010 година

Средба на г-ѓа Светлана Јакимовска, потпретседател на Собранието на Република Македонија, со претставници од Сојузот за грижа на деца на Република Македонија

По повод Неделата на детето, потпретседателот на Собранието на Република Македонија, г-ѓа Светлана Јакимовска, оствари средба со претставници од Сојузот за грижа на деца на Република Македонија, деца од Здружението на граѓани Сумнал и деца од детската градинка „Орце Николов

Понеделник, 4 октомври 2010 година

Обраќање на претседателот на Собранието на Република Македонија, г. Трајко Вељаноски, на меѓународен симпозиум по повод одбележувањето на илјада и стогодишнината од упокојувањето на Свети Наум Чудотворецот

Годинава кога во Република Македонија, преку најразлични манифестации и научни собири, се одбележува илјада и стогодишнината од упокојувањето на Свети Наум Чудотворецот, особено радува фактот што во одбележувањето се вклучени најразлични државни, високообразовни и научни институции, понатаму Македонската православна црква и други субјекти, што покажува дека, како држава, како народ, како граѓани, знаеме да го почитуваме, да го чуваме и надградуваме нашето историско и културно наследство

Понеделник, 4 октомври 2010 година

Работна средба на Клубот на пратенички со г-ѓа Алида М. Блек

Клубот на жени во Собранието на Република Македонија денеска оствари работна средба со г-ѓа Алида М. Блек, професор по историја и меѓународни односи на Универзитетот „Џорџ Вашингтон“ - САД.

Понеделник, 4 октомври 2010 година

ИЗЛЕЗЕ ОСМИОТ БРОЈ НА БИЛТЕНОТ НА МЕШОВИТИОТ ПАРЛАМЕНТАРЕН КОМИТЕТ РМ-ЕУ

На почетокот на месец октомври, излезе осмото издание на Билтенот на собраниската делегација во Мешовитиот парламентарен комитет Република Македонија – Европска унија (МПК РМ-ЕУ). Во тековниот број, содржани се информации и активности за посетата на претседателот на Собранието на Република Македонија, г. Трајко Вељаноски, на Република Турција и за средбата со Вселенскиот патријарх Вартоломеј, како и други информации поврзани со активностите на релевантните собраниски тела и делегации кои работат на европски прашања. 

Понеделник, 4 октомври 2010 година

Седумдесет и осма седница на Комисијата за финансирање и буџет

Комисијата за финансирање и буџет на Собранието на Република Македонија на 27 септември 2010 година ја одржа својата Седумдесет и осма седница

Петок, 1 октомври 2010 година, Национален совет за евроинтеграции

Јавна расправа по Предлог на законот за ревизија

Националниот совет за евроинтеграции денеска организираше Jавна расправа по Предлог-законот за ревизија, закон кој произлегува од Националната програма за усвојување на правото на Европската унија.

Петок, 1 октомври 2010 година, Брисел

Создавање на квалитетна и непристрасна администрација како одговор на предизвиците на модерното работење

На семинарот беа дебатирани прашања за преземените и спроведените реформи на јавната администрација и судството, потоа за придобивките и искористеноста на ИПА фондовите во делот на јакнење на капацитетите на државните институции, како и за сите останати прашања поврзани со напредокот на реформите во зајакнување на капацитетите на јавната администрација и судството