Среда, 25 септември 2013 година

Средба на претседателот Вељаноски со лорд спикерот на Горниот дом на Парламентот на Обединетото Кралство на Велика Британија и Северна Ирска, баронесата Д’Соуза

Претседателот Вељаноски потенцираше дека денешната средба е само уште една потврда за пријателските и партнерски односи кои Република Македонија ги гради со Обединетото Кралство на Велика Британија и Северна Ирска и уште една потврда за подготвеноста на двете страни за интензивирање на односите и соработката во сите сфери од заемен интерес и изрази задоволство од можноста заедно да придонесат кон унапредување на односите на двете држави, кои традиционално се добри и бележат континуиран развој

Среда, 25 септември 2013 година

Значајна поддршка од Обединетото Кралство на патот кон евроинтеграцијата

Пратеничката група на Собранието на Република Македонија за соработка со Парламентот на Обединетото Кралство на Велика Британија и Северна Ирска оствари средба со баронесата Д'Соуза, лорд, спикер на Горниот дом на Парламентот на Обединетото Кралство на Велика Британија и Северна Ирска.

Вторник, 24 септември 2013 година

Мешовитиот парламентарен комитет – уште еден мост за продолжување на соработката меѓу Македонија и Турција

Македонија и Турција се повеќе од пријателски земји, кои треба да ги разменуваат искуства, да учат една од друга, заеднички да работат со цел да се приклучат кон големото европско семејство – беа согласни присутните на средбата меѓу Мешовитиот парламентарен комитет-Република Македонија и Европската унија и Делегација од Парламентот на Република Турција

Вторник, 24 септември 2013 година

Средба на г. Хајрула Мисини со турска парламентарна делегација

Претседателот на Комисијата за европски прашања, г. Хајрула Мисини, денеска, во рамките на семинарот што се одржа во Собранието на Република Македонија на тема: „Отворен парламент: Транспарентност на парламентарните активности„ имаше средба со делегација на Комисијата за хармонизација со Европската унија на Големото национално собрание на Република Турција, предводена од претседателот на комисијата, г. Мехмет Текелиоглу и членовите, г-ѓа Зухал Топџу, г. Мехмет Ѓулинар и г. Огуз Ојан

Вторник, 24 септември 2013 година

Семинар на тема: „Отворен парламент: транспарентност на парламентарните активности"

На 23 и 24 септември 2013 година, во Собранието на Република Македонија се одржува семинар на тема: „Отворен парламент: транспарентност на парламентарните активности". Семинарот се реализира во рамките на повеќегодишната и континуирана соработка на Собранието на Република Македонија со Европскиот парламент, односно со Одделението за соработка во претпристапните активности при Директоратот за демократска поддршка и претставува еден од низата семинари на кои пратениците и службениците од Собранието на Република Македонија изминативе години имале можност активно да учествуваат и успешно да се презентираат

Вторник, 24 септември 2013 година

Триесет и седма седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Македонија, на 37. седница, одржана денеска, како матично работно тело, во скратена постапка го разгледа Предлогот на законот за изменување и дополнување на Законот за продажба на земјоделското земјиште во државна сопственост, поднесен од пратеникот Малиша Станковиќ.

Петок, 20 септември 2013 година

ТРИЕСЕТ И ПЕТТО ИЗДАНИЕ НА БИЛТЕНОТ НА МПК

Во актуелниот двоброј за месец јули и август 2013 година, кој ги опфаќа активностите на Собранието на Република Македонија поврзани со европските интеграции, опфатена е официјалната посета на Претседателот на Република Словенија, г. Борут Пахор и неговата средба со претседателот на Собранието на Република Македонија, г. Трајко Вељаноски, на која уште еднаш беа разменети мислење за добивањето на датум за отпочнување на преговорите на Република Македонија со Европската унија и во тој контекст, беше изразена подготвеностa од страна на Република Словенија да направи сѐ што е во нејзина можност за олеснување на интегрирањето на Република Македонија. 

Петок, 20 септември 2013 година

Седумдесет и шеста седница на Комисијата за финансирање и буџет

Комисијата за финансирање и буџет на Собранието на Република Македонија, на 76. седница, одржана на 17 септември 2013 година, како матично работно тело, во прво читање, ги разгледа

Четврток, 19 септември 2013 година

Македонија голем придонесувач за сигурноста и безбедноста на НАТО

Претседателите на Комисијата за надворешна политика, г. Антонио Милошоски и Комисијата за одбрана и безбедност, г. Владимир Ѓорчев; шефот на Делегацијата во Парламентарното собрание на Северноатлантската договорна организација, г-ѓа Ермира Мехмети; како и членовите на Делегацијата, г-ѓа Наташа Савова и г. Павле Трајанов, остварија средба со г-ѓа Колинда Грабар-Китаровиќ, помошник на генералниот секретар на НАТО за јавна дипломатија.

Среда, 18 септември 2013 година

Потпишан Меморандум за исполнување на стратешката цел за членство на Република Македонија во Европската унија

На 16 септември 2013 година, политичките партии на Република Македонија потпишаа меморандум за исполнување на стратешката цел за членство на Република Македонија во Европската унија.
Меморандумот беше потпишан поаѓајќи од стратешката определба на Република Македонија за членство во Европската унија, утврдена од моментот на нејзиното осамостојување во 1991 година, која определба е јасно и недвосмислено поддржана од сите политичките субјекти и од граѓаните на земјата.

Вторник, 17 септември 2013 година

Средба на г-ѓа Радмила Шекеринска со г. Ерки Туомиоја

Госпоѓа Шекеринска го поздрави присуството на министерот за надворешни работи, г. Ерки Туомиоја и се заблагодари за поддршката која Финска и ја дава на Република Македонија во процесот на интеграција во Европската унија и позитивниот став кој државата го има кон процесот на проширување на Унијата, за што таа напомена дека е од исклучително значење за регинов, особено за Република Македонија

Понеделник, 16 септември 2013

Триесет и петта седница на Комисијата за економски прашања

Комисијата за економски прашања на Собранието на Република Македонија, на денешната 35. седница, како матично работно тело, во прво читање, го разгледа Предлогот на закон за изменување и дополнување на Законот за трговија.

Потребата од донесување на Предлог-законот ја образложи г. Анче Трифунов, државен секретар во Министерството за економија. Беше истакнато дека предложените измени се состојат од шест члена.

Со членот 1 од предложените измени и дополнувања се воведува нова услуга на правните субјекти „Потсетник за истакнување на лиценца за продажба на алкохолни пијалоци на трговијата на мало“, којашто ја издава Министерството за економија. Законска обврска ќе биде Министерството за економија 30 дена пред изминување на рокот на важноста на претходно издадена лиценца да го потсети носителот на лиценцата за периодот на важноста за истата.

Во втората измена станува збор за допрецизирање на законските одредби. Законот за трговија утврдува дека трговецот на мало при продажбата на алкохолни и енергетски пијалоци и цигари е должен да ја утврди возраста на купувачот и се предвидува дека начинот на утврдување на возраста на лицата од ставот 1 на член 24 ќе се пропише од страна на министерот кој раководи со органот на државната управа надлежен за работите од областа на трговијата.

Третата измена е во членот 49 во делот на прекршоците. На предлог на Државниот пазарен инспекторат е утврдено дека одредени прекршоци има потреба да бидат изземени од процесот на едукација.

Четвртата измена е во делот на усогласувањето на казнените одредби кои се во членот 57, став 2 во основниот Закон со што се усогласува со материјалната одредба од членот 24-а. Во материјалните одредби на членот 24-а не е предвидена прекршочна постапка за енергетски пијалоци доколку се продаваат после времето коешто е утврдено согласно Законот.     

Во претресот учествуваа членовите на Комисијата за економски прашања г. Стојко Пауновски и  г-ѓа Јулиета Марку, пратеникот Самка Ибраимоски и г. Анче Трифунов.

Комисијата за економски прашања со шест гласа „за“ и два „воздржани“ заклучи дека овој Предлог-закон е прифатлив и треба да се даде на натамошно читање.

Четврток, 12 септември 2013 година

Обраќање на претседателот Вељаноски по повод одбележувањето на 20-годишнината од воспоставувањето на дипломатските односи меѓу Република Македонија и Народна Република Кина

Имам особена чест и задоволство да се обратам по еден значаен повод, како што е денешното одбележување на 20-годишнината од воспоставувањето на дипломатските односи меѓу Република Македонија и Народна Република Кина. Веднаш сакам да потенцирам дека односите меѓу двете пријателски држави се движат во незапирлива нагорна линија, при што ги карактеризира атмосфера на меѓусебно почитување и постојана желба за унапредување на соработката во сите можни области

Среда, 11 септември 2013 година

Второ продолжение на надзорна расправа на тема: „Користење на фондовите од инструментот за пристапна помош-ИПА во Република Македонија“

Комисијата за европски прашања денеска, во рамките на 42. седница, го одржа второто продолжение на надзорната расправа на тема „Користење на фондовите од Инструментот за претпристапна помош-ИПА во Република Македонија“, на која покрај претседателот на Комисијата за европски прашања г. Хајрула Мисини, присуствуваа и членовите и замениците на комисијата и други пратеници, како и г. Мартин Клауке од Делегацијата на Европската унија во Република Македонија и претставници од Канцеларијата на НДИ во Скопје.

Со седницата претседаваше, претседателот на Комисијата за европски прашања, г. Хајрула Мисини, кој даде кратко појаснување за целтта за одржување на оваа надзорна расправа, имајќи ја предвид потребата за поблиско информирање и запознавање на пратениците со користењето на фондовите од Инструментот за претпристапна помош ИПА, со посебен осврт на ефикасноста на досегашното искористувањето на средствата од  овие фондови, и тоа во однос на ИПА компонента I - Помош во период на  транзиција и градење на  институции.

На денешното второ продолжение на надзорната расправа на комисијата, во улога на сведоци, усни искази дадоа: министерката за внатрешни работи г-ѓа Гордана Јанкуловска,  министерот за информатичко општество и администрација во Република Македонија, г Иво Ивановски, директорот  на Царинската управа во Република Македонија, г. Ванчо Каргов, раководителката на НИПАК секретаријатот г-ѓа Орхидеја Каљошевска, потоа г. Димитар Мирчев од Европското движење на Македонија, г. Зоран Јанакиев од Македонскиот институт за интеграции и г-ѓа Фани Кранфиловска-Пановска од Фондацијата Отворено општество на Македонија - ФООМ.

Во текот на расправата  прашања  поставија   членовите  и замениците  на членовите на Комисијата за европски прашања, г.Хајрула Мисини, г-ѓа Силвана Бонева, г. Гордан Георгиев, г-ѓа Дешира Имери, г. Миле Пачемски, г-ѓа Цветанка Иванова, г. Сафет Бишевац, г. Ѓорѓи Коџабашиев,  како и пратеничката г-ѓа Тања Томиќ и г. Панче Орцев, на кои што  сведоците одговорија усмено, а на неодговорените прашања најавија писмени одговори.

Пратениците од присутните сведоци, меѓу другото, побараа повеќе одговори во однос на: степенот на искористеноста, односно неискористеноста  на  43. милиони евра доделени од Европската унија во однос на ИПА компонента I - помош во период на транзиција и градење на  институции, способноста на нашиот административен капацитет за нивно искористување, како и за слабостите кои се причина за нивно неискористување.

По исцрпувањето на листата на повикани учесници (сведоци), претседателот на комисијата, г. Мисини информира дека надзорната расправа ќе продолжи со ислушување на исказите на останатите учесници (сведоци) повикани од Комисијата за европски прашања, а кои  дополнително ќе бидат утврдени на координација со членовите на комисијата.

 

Вторник, 10 септември 2013 година

Претседателот Вељаноски оствари средба со претседателот на Република Полска, г. Бронислав Коморовски

На средбата, претседателот Вељаноски искажа задоволство и благодарност за постојаната поддршка која Република Македонија ја добива од Република Полска. Во однос на евроинтегративниот процес на Република Македонија, г. Вељаноски истакна дека бурните времиња на Балканот се зад нас и граѓаните од регионот гледаат напред во европската иднина и перспектива на сите држави од Балканот. Во текот на разговорите, претседателот Вељаноски, исто така, потенцираше дека интеграцијата на целиот регион ќе биде значаен фактор за стабилизација на Европа, нагласувајќи дека Република Македонија ги спроведува сите неопходни реформи, и преку законодавниот дом и во целина.

Вторник, 10 септември 2013 година

Пленарна седница на Европарламентот

Од 9 до 15 септември, Европскиот парламент во Стразбур одржува пленарна седница, во рамките на која, денеска, ќе биде промовирана информативната кампања за европските избори, кои ќе се одржат следната година

Сабота, 7 септември 2013 година

ОБРАЌАЊЕ НА ПРЕТСЕДАТЕЛОТ ВЕЉАНОСКИ НА ПРИЕМ ПО ПОВОД 8 СЕПТЕМВРИ - ДЕНОТ НА НЕЗАВИСНОСТА

Секое ново одбележување на 8 септември е наша, заедничка можност да ги реафирмираме зедничките вредности и довербата како основа на секоја современа држава, секое здраво општество, секое семејство, во осмислувањето на својата подобра иднина. Осми септември е уште една можност за подигнување и одржување на моралот на нацијата, заедништвото и силата на Македонија. Ова е ден во кој повторно ја реафирмираме лојалноста кон нашата држава. Осми септември е денот кој нe обединува сите под сонцето на Македонија!

Петок, 6 септември 2013 година, Вилнус, Литванија

Учество на Интерпарламентарната конференција за заедничка надворешна и безбедносна политика и заедничка безбедносна и одбранбена политика

Претседателот на Комисијата за надворешна политика на Собранието на Република Македонија, г. Антонио Милошоски, од 4 до 6 септември учествува на Интерпарламентарната конференција за заедничка надворешна и безбедносна политика и заедничка безбедносна и одбранбена политика, која во рамките на литванското претседателство со Европската унија, се одржува во Вилнус, Литванија

Четврток, 5 септември 2013 година

Претседателот на Собранието на Република Македонија, г. Трајко Вељаноски оствари средба со претседателот на Република Хрватска, г. Иво Јосиповиќ

На почетокот на средбата и двајцата соговорници се согласија дека меѓу Република Македонија и Република Хрватска нема отворени прашања, а билатералните односи на сите полиња во изминатиот период се во постојан подем. На средбата, претседателот Вељаноски, истакна дека со приемот на Хрватска, Република Македонија доби уште еден пријател во eвропското семејство, и притоа потсети дека евроатлантските интеграции беа определба и константа на двете држави. Претседателот Вељаноски дополни дека двете држави заедно го одеа овој пат, но поради познатите причини, Република Македонија беше блокирана од страна на нашиот јужен сосед.

Четврток, 5 септември 2013 година

Средба на координаторите на пратеничките групи со г. Иво Јосиповиќ

Координаторите на пратеничките групи најпрво и го честитаа членството на Република Хрватска во ЕУ, истакнаа благодарност до Република Хрватска за поддршката што ѝ ја даваат на Република Македонија за остварување на сонот да стане дел од големото европско семејство и дека им е мило што во Република Хрватска имаат добар лобист во Европската унија.

Среда, 4 септември 2013 година

Претседателот Вељаноски оствари средба со спикерот на Сенатот на Канада, г. Ноел Кинсела

Тој напомена дека оваа посета претставува уште една потврда за многу добрите односи меѓу Република Македонија и Канада, кои секако и во иднина ќе продолжат да се развиваат во нагорна линија. Претседателот Вељаноски изрази задоволство и од формирањето на Канадско-македонската парламентарна група за соработка во рамките на Парламентот на Канада, во март оваа година. Со формирањето на оваа група преку директни контакти и средби со Македонската парламентарна група за соработка ќе се овозможи полесно користење на капацитетите кои ги нуди парламентарната дипломатија, а кои ќе придонесат за дополнитено развивање на меѓусебни односи. Претседателот Вељаноски на средбата изрази благодарност за признавањето на уставното име на Република Македонија од страна на Канада во билатералната комуникација.

Среда, 4 септември 2013 година

Размена на студенти – предлог за образовна соработка меѓу Македонија и Канада

Пратеничката група на Собранието на Република Македонија за соработка со Парламентот на Канада оствари средба со Канадска делегација, предводена од спикерот на Сенатот на Канада, г. Ноел Кинсела

Среда, 4 септември 2013 година

Шеесет и шеста седница на Комисијата за транспорт, врски и екологија

Комисијата за транспорт, врски и екологија на Собранието на Република Македонија, на 66. Седница, одржана на 3 септември 2013 година, како матично работно тело, ги разгледа

Среда, 4 септември 2013 година

Седумдесет и петта седница на Комисијата за финансирање и буџет

Комисијата за финансирање и буџет на Собранието на Република Македонија, на Седумдесет и петтата седница, одржана на 2 септември 2013 година, како матично работно тело, го разгледа Предлогот на закон за изменување и дополнување на Законот за лизинг (во прво читање)