Четврток, 13 септември 2018 година
Средба на претседателот Џафери со помошник-државниот секретар на Соединетите Американски Држави, г. Вес Мичел
Денеска, во Собранието на Република Македонија, претседателот на Собранието на Република Македонија, г. Талат Џафери, оствари средба со помошник-државниот секретар на Соединетите Американски Држави, г. Вес Мичел, кој е во официјална посета на нашата држава.
Според претседателот Џафери, ова е уште една во низата посети на официјални лица од САД како потврда на јасната, силната и недвосмислена поддршка за Република Македонија. Со ова се докажува посветеноста на нашиот стратешки партнер за унапредување на интеграцискиот процес на нашата земја во НАТО и ЕУ.