Петок, 8 јуни 2018 година, Вилнус, Литванија
Самит на жени политички лидери
Во рамките на Самитот на жени политички лидери, што годинава се одржува во Вилнус, Литванија, учествуваше и Делегација на Собранието на Република Македонија, составена од пратеничките: Ѓулумсер Касапи, Ирена Стефоска, Лилјана Кузмановска и Мирсада Емини-Асани.
На Самитот учествуваа претставници и членови на делегации од околу 80 земји, со повеќе од 400 претставници. Главната порака и агенда на повеќето теми кои се дискутираа на овој Самит, беше лидерството на жените политичарки кои го менуваат светот.