Четврток, 24 мај 2018 година

СРЕДБА НА ПРЕТСЕДАТЕЛОТ ЏАФЕРИ, СО ПРЕТСЕДАТЕЛОТ НА ВЛАДАТА НА РЕПУБЛИКА СРБИЈА, Г-ЃА АНА БРНАБИЌ

На средбата, заедничка констатација беше дека развојот на билатералните односи, регионалната и мултилатералната соработка се на навистина задоволително ниво и дека има интензивирање на меѓусебните посети на различни нивоа.

Среда, 23 мај 2018 година

Собраниска Комисија во работна посета во седиштето на Управата за безбедност и контраразузнавање

Комисијата за надзор над спроведувањето на посебната истражна мерка за следење на комуникациите од страна на Министерството за внатрешни работи, Управата за финансиска полиција, Царинската Управа и Министерството за одбрана денес реализираше работна посета во седиштето на Управата за безбедност и контраразузнавање.

Среда, 23 мај 2018 година

СРЕДБА НА ПРЕТСЕДАТЕЛОТ ЏАФЕРИ СО ПРЕТСЕДАТЕЛКАТА НА НАРОДНОТО СОБРАНИЕ НА РЕПУБЛИКА СРБИЈА, Г-ЃА МАЈА ГОЈКОВИЌ

Во состав на делегацијата беа исто така присутни и членовите на Групата за соработка со Собранието на Република Србија: г. Иван Стоиљковиќ, претседател на групата; г. Илија Николовски, член на групата и г-ѓа Мирсада Емини Асани, исто така член на групата за соработка. 

Вторник, 22 мај 2018, Букурешт

Учество на пратеникот Џеват Адеми на Конференција на претседатели на секции на Парламентарното собрание на Франкофонијата

На оваа Конференција се дебатираше за промоција на Франкофонијата, подготвувањето на XXXI Регионално собрание Европа на ПСФ и определување на централната  тема, што ќе се одржи во Андора во октомври 2018 година, следење на резолуциите на ПСФ, усвоени на Годишната сесија на ПСФ во Луксембург во 2017 година, Извештаите на комисиите на ПСФ од Регион Европа и други прашања од делокругот на ова меѓународно парламентарно собрание

Вторник, 22 мај 2018 година

Надзорна расправа на Комисијата за култура за управувањето со Охридскиот регион

Претседателката на Комисијата, г-ѓа Ирена Стефоска, во воведното образложение истакна дека целта на оваа надзорна расправа е да се добијат информации и стручни мислења во врска со спроведувањето на политиката, извршувањето на законите и други активности поврзани со управувањето со Охридскиот регион. Стефоска потсети дека Охридскиот регион е едно од само 35-те светски наследства заштитени од страна на УНЕСКО и како природно и како културно наследство. Надзорната расправа, прва во овој парламентарен состав, е иницирана од парламентарното мнозинство, но одлуката за нејзино спроведување е едногласно усвоена од страна на сите членови на Комисијата за култура.

Понеделник, 21 мај 2018 година

Политичките лидери се обединија за да осигурат дека Собранието ги води Евро-Атлантските интеграции

Првиот Жан Моне Дијалог со Собранието се одржа во Охрид на 17 и 18 мај. По дводневен неформален и отворен дијалог, политичките партии уште еднаш го потврдија консензусот да работат заедно за земјата да напредува кон членството во ЕУ и да се интегрира во Евро – Атлантските структури.

Петок, 18 мај 2018 година

Пратениците Лилјана Затуроска и Хари Локвенец на Семинар „Состанок на Зелената пратеничка група со пратеници од Црна Гора и Македонија“ во Белград 

Пратеници, членови на неформалната пратеничка зелена група и експерти од областа на оддржливиот развој и заштита на животната средина, заедно со пратениците од Република Македонија, г-ѓа Лилјана Затуроска и г. Хари Локвенец, и од Црна Гора, на 16 и 17 мај 2018 година, во Белград, разменија искуства од областа на заштитата на животната средина и финансирањето во истата, со посебен акцент на процесот на преговарање со Европската Унија. 

Четврток, 17 мај 2018 година

Прием на претседателот Џафери на британската премиерка, г-ѓа Тереза Меј

Претседателот на Собранието на Република Македонија, г. Талат Џафери, приреди прием во чест на премиерката на Обединето Кралство на Велика Британија и Северна Ирска, г-ѓа Тереза Меј. 

Четврток, 17 мај 2018 година

Соопштение на ИППГ за правата на ЛГБТИ лицата, по повод 17 Мај - Меѓународниот ден против хомофобија, трансфобија и бифобија

На 17 Мај, Меѓународниот ден против хомофобија, трансфобија и бифобија, кој оваа година ширум светот се одбележува под мотото „Сојузништва за солидарност“, Интерпартиската парламентарна група за правата на ЛГБТИ лицата ја изразува својата солидарност со ЛГБТИ луѓето кои преживеале различни видови стигматизација, дискриминација и насилство.  

Среда, 16 мај 2018 година

Средба на претседателот Џафери со поранешниот претседател на Република Словенија, г. Милан Кучан

Претседателот на Собранието на Република Македонија, г. Талат Џафери, денеска оствари средба со поранешниот претседател на Република Словенија, г. Милан Кучан. На средбата, присуствуваа и пратениците од Пратеничката група за соработка со Парламентот на Република Словенија, г-ѓа Фросина Ташевска Ременски, г-ѓа Шпреса Хадри и г. Неџбедин Каремани.