Четврток, 31 декември 2009 година

Новогодишно ОБРАЌАЊЕ на претседателот Вељаноски пред пратениците и службата на Собранието на Република Македонија

Почитувани,

Само неколку часа не делат од Новата 2010 година. Зад нас останува старата 2009, која  не беше лесна за сите, но ние сепак ја завршуваме успешно. Сакам да искажам благодарност не само до потпретседателите, пратениците, координаторите на пратеничките групи, туку посебно до вработените во собраниската администрација со нивниот целосен и одговорен ангажман. А тој успех се гледа преку извештајот на Европската комисија во кој многу јасно се наведени позитивните резултати постигнати во Собранието на Република Македонија.

Понеделник, 28 декември 2009 година

Триесет и втора седница на Комисијата за економски прашања

Комисијата за економски прашања на Собранието на Република Македонија на Триесет и втората седница, одржана на 25 декември 2009 година, како матично работно тело ги разгледа Предлогот на закон за изменување на Законот за основање на Агенцијата за поддршка на претприемништвото на Република Македонија, по скратена постапка и Предлог на законот за изменување и дополнување на Законот за минерални суровини (второ читање).

Предлог на законот за изменување на Законот за основање на Агенцијата за поддршка на претприемништвото на Република Македонија го образложи заменик-министерот за економија, д-р Методиј Хаџи-Васков. Тој во своето излагање истакна дека станува збор за менување на еден член од Законот, во којшто се регулира начинот на кој што Агенцијата за поддршка на претприемништвото на Република Македонија ги добива средствата за својата работа.

Наместо трансфер преку Министерството за економија, во Предлог-законот се предлага истиот да оди директно од Буџетот на Република Македонија. Со префрлањето на средствата од Буџетот ќе се има подобар увид и прегледност на начинот и на разните активности за коишто се користат овие средства кои што се префрлени на Агенцијата за поддршка на претприемништво на Република Македонија.

Според него, главна цел на оваа промена на членот е да се подобри увидот на конкретните активности кои што Агенцијата ги презема. Со донесување на овој Закон, заменик-министерот за економија истакна дека истиот ќе придонесе значително зајакнување на Агенцијата за поддршка на претприемништвото на Република Македонија.

Комисијата за економски прашања, врз основа на расправата, едногласно заклучи дека Предлогот на закон за изменување на Законот за основање на Агенцијата за поддршка на претприемништвото на Република Македонија треба да се проследи на натамошна постапка во Собранието на Република Македонија.



Петок, 25 декември 2009 година

Единаесетта седница на Националниот совет за евроинтеграции

Националниот совет за евроинтеграции на Единаесеттата седница расправаше по Мислењето за усвојување на правото на Европската унија за 2010 година и по Извештајот за работата на Националниот совет за евроинтеграции за периодот септември 2008 - декември 2009 година. 



Понеделник, 28 декември 2009 година

Деветта седница на Буџетскиот совет

Буџетскиот совет на Собранието на Република Македонија на Деветтата седница, одржана на 24 декември 2009 година, го разгледа Предлогот на стратегијата за развој на Собранието на Република Македонија за периодот 2010 - 2013 година и врз основа на расправата едногласно ги усвои следните заклучоци:

1. Буџетскиот совет на Собранието на Република Македонија согласно член 27 став (1) од Законот за Собранието на Република Македонија ја разгледа и усвои Стратегијата за развој на Собранието на Република Македонија во периодот 2010-2013 година;
   
2. Буџетскиот совет на Собранието на Република Македонија го задолжува генералниот секретар на Собранието на Република Македонија да формира работна група составена од државни советници од Службата на Собранието, која ќе го изготви работниот текст на стратешките приоритети за 2010 година, во којшто ќе се развијат стратешките цели со конкретни активности, носители на активности и рокови за реализација на активностите. Притоа, Буџетскиот совет укажува на потребата во Стратегијата за развој на Собранието за периодот 2010-2013 година и при утврдувањето на стратешките цели и приоритети да се обезбеди поголема транспарентност;
   
3. Работната група која ќе го изготвува работниот текст на стратешките приоритети да биде во непосредна комуникација со работната група формирана за изготвување на Стратегијата за развој на Собранието на Република Македонија во периодот 2010 - 2013 година и со Буџетскиот совет на Собранието, поради усогласување на задачите.
   



Петок, 25 декември 2009 година

средба на Претседателот на Комитетот за односи меѓу заедниците, Г. Џеват Адеми, со претставници на Мрежата за мултикултурно општество во Македонија

Претседателот на Комитетот за односи меѓу заедниците, г. Џеват Адеми, одржа средба со претставници на Мрежата за мултикултурно општество во Македонија, на која присуствуваа г-ѓа Виолета Крстиќ од Заедницата на Хрватите во Република Македонија, г-ѓа Анастасија Рибарски од словенечкото здружение „Франц Прешерн“, г. Мирољуб Орландиќ од Заедницата на Црногорците во Република Македонија и Рубин Земон од Сојузот на Балканските Египќани

Вторник, 22 декември 2009 година, Национален совет за евроинтеграции

Јавна расправа по работната верзија на Предлог-законот за авторското право и сродните права

Националниот совет за евроинтеграции денеска организираше Јавна расправа по работната верзија на Предлог-законот за авторското право и сродните права. Образложение за причините поради кои се подготвува нов текст на закон за авторските права и сродните права даде г-ѓа Олгица Трајковска, претставник на Министерството за култура и раководител на Сектор за авторски и сродни права.



Вторник, 22 декември 2009 година

Дваесет и втора седница на Комисијата за одбрана и безбедност

Комисијата за одбрана и безбедност на Дваесет и втората седница, одржана на 21 декември 2009 година, како матично работно тело ги разгледа



Понеделник, 21 декември 2009 година

Четириесет и петта седница на Комисијата за финансирање и буџет

Комисијата за финансирње и буџет, на Четириесет и петтата седница, одржана на 17 декември 2009 година, како матично работно тело ги разгледа:

1. Предлогот на законот за извршување на Буџетот на Република Македонија за 2010 година (по скратена постапка);
2. Предлогот на законот за изменување и дополнување на Законот за буџетите (по скратена постапка);
3. Предлоот на законот за изменување и дополнување на Законот за финансирање на единиците на локалната самоуправа (по скратена постапка);
4. Предлогот на законот за изменување на Законот за придонеси од задолжително социјално осигурување (по скратена постапка).

Воведно образложение по Предлогот на законот за извршување на Буџетот на Република Македонија за 2010 година даде заменикот на министерот за финансии, г. Недим Рамизи. 

Тој истакна дека со овој закон поблизу се определуваат начинот и условите за извршување на Буџетот на Република Македонија за 2010 година. Истиот претставува надополнување на одредбите од Законот за буџетите во врска со процедурите за управување и извршување на буџетите на поодделните буџетски корисници.

Со 8 гласа „за” и 3 „против”, Комисијата заклучи дека се исполнети условите за подготвување на Дополнет предлог на закон за извршување на Буџетот на Република Македонија за 2010 година.

Во образложението по Предлогот на законот за изменување и дополнување на Законот за буџетите, заменик-министерот за финансии истакна дека целта на предложениот закон е усогласување со Законот за јавни набавки во делот на обезбедување на согласноста за повеќе годишните јавни набавки во програмите за развојниот  дел на Буџетот на Република Македонија. 

Исто така, со овој Предлог на закон се предлага одложување на примената на членот 10 од Законот за буџетите поради потребата од воведување на нови софтверски решенија за спроведување на одредбата од овој член.

Комисијата со 7 гласа „за “ и 3 „против” заклучи дека согласно Деловникот на Собранието на Република Македонија  не се исполнети условите за подготвување на  Дополнет предлог на закон за изменување и дополнување на Законот за буџетите.

Во однос на Предлогот на законот за изменување и дополнување на Законот за финансирање на единиците на локалната самоуправа,  г. Рамизи нагласи дека со предложените измени се врши усогласување со Законот за јавен долг, кој го уредува задолжувањето со што се формира кохерентен и хармонизиран систем на задолжување. Со измените се предлага и зголемување на процентот на приходите од ДДВ со што ќе се овозможи пораст на сопствените приходи на општините што ќе придонесе за нивно финансиско јакнење.

Со оглед на тоа што по овој Предлог на закон не беа поднесени амандмани, Комисијата едногласно заклучи дека не се исполнети условите за подготвување на Дополнет предлог на закон за изменување и дополнување на Законот за финансирање на единиците на локалната самоуправа.

Што се однесува на Предлогот на законот за изменување на Законот за придонеси од задолжително социјално осигурување, заменикот на министерот за финансии истакна дека  во услови на економска криза, доколку се применуваат стапките на придонесите за задолжително пензиско и инвалидско осигурување и задолжително здравствено осигурување, кои се дефинирани во основниот текст на законот, ќе се предизвика намалување на приходите на фондот за ПИОМ и на фондот за здравствено осигурување. Затоа е потребно да се ревидираат стапките на придонесите за задолжително пензиско и инвалидско осигурување и задолжително здравствено осигурување.

Бидејќи по овој Предлог на закон не беа поднесени амандмани, Комисијата со 6 гласа „за” и 3 „против”, заклучи дека не се исполнети условите за подготвување на Дополнет предлог на закон за изменување на Законот за придонеси од задолжително социјално осигурување.



Петок, 18 декември 2009 година

Средба на Националниот совет за евроинтеграции со пратениците на европскиот парламент г-ѓа Тања Фајон и г. Зоран талер

На средбата присуствуваа членовите и претставниците на Националниот совет за евроинтеграции, членовите на Комисијата за надворешна политика, членовите на Комисијата за европски прашања, членовите на Мешовитиот парламентарен комитет на РМ-ЕУ, претставници на амбасадите од Кралството Шведска, Кралството Шпанија и Чешката Република, претставници од невладиниот сектор, медиумите и службата на Собранието на Република Македонија



Вторник, 15 декември 2009 година

Обраќање на претседателот Вељаноски на Меѓународната Конференција „Превенција и репресија на насилството на фудбалските стадиони“

Насилството на спортските манифестации е присутно и кај нас. Ако погледнеме од законски аспект, Република Македонија насилството на спортските манифестации добро го има санкционирано. Имено, ние имаме таканаречен лекс специјалис, а тоа е Законот за спречување на насилството и недостојното однесување на спортските натпревари, донесен во 2004 година. Тука е Кривичниот законик, Законот за прекршоците и така натаму. Дали на оваа законска регулатива и се потребни измени и дополнувања, пред сè, треба вие да кажете. Секако, на денешната конференција и за ова ќе стане збор. Јас, како претседател на Собранието, сакам да ве уверам дека сите пратеници, без разлика на партиската припадност, сме подготвени, ако дојдат вакви предлози, најбрзо во рамките на собраниската процедура да ги усвоиме.



Вторник, 15 декември 2009 година

Десетта седница на Националниот совет за евроинтеграции

Националниот совет за евроинтеграции, на денешната Десетта седница, расправаше за европските интеграции на Република Македонија по заклучоците на Советот на Европска унија од 8 декември 2009 година



Вторник, 15 декември 2009 година

Шеста седница на Комитетот за односи меѓу заедниците

Комитетот за односи меѓу заедниците на 11 декември 2009 година ја одржа Шестата седница со дневен ред



Понеделник, 14 декември 2009 година

Обраќање на Претседателот на Претставничкиот дом на парламентот на Австралија, г. Хери Џенкинс, пред пратениците на Собранието на Република Македонија

Нашите две земји имаат топли и пријателски односи, кои се зајакнати од силните односи во заедницата и блиските меѓучовечки односи. Нашите две заедници имаат значајни историски, значајни мултикултурни и етнички различни народи, со кои сите можеме да се гордееме.
На последниот попис во Австралија 84.000 луѓе се изјасниле дека имаат потекло од Македонија. Дел емигрирале во Австралија, додека други се родени во Австралија. И покрај тоа што имаат австралијанско државјанство, нивното македонско наследсво останува многу силно.
Селењето на семејството и личниот живот и патувањето преку половина свет не е мала работа. Но, тоа го сторија Македонците со доаѓањето во Австралија

Понеделник, 14 декември 2009 година, Комисија за еднакви можности на жените и мажите

Јавна расправа на тема „Сексуално и репродуктивно здравје на младите во Република Македонија“

Комисијата за еднакви можности на жените и мажите во соработка со Асоцијацијата за здравствена едукација и истражување Х.Е.Р.А. денеска организираше јавна расправа на тема „Сексуално и репродуктивно здравје на младите во Република Македонија“



Понеделник, 14 декември 2009 година

Триесет и четврта седница на Комисијата за политички систем и односи меѓу заедниците

Комисијата за политички систем и односи меѓу заедниците, на седницата одржана на 11 декември 2009 година, како матично работно тело го разгледа Предлог-законот за изменување и дополнување на Законот за облигационите односи (прво читање).



Понеделник, 14 декември 2009 година

Четириесет и четврта седница на Комисијата за финансирање и буџет

Комисијата за финансирање и буџет на Четириесет и четвртата седница, како матично работно тело ги разгледа Предлогот на закон за изменување и дополнување на Законот за административните такси (прво читање) и Предлогот на закон за изменување на Законот за издавање на обврзници на Република Македонија за денационализација (второ читање)



Понеделник, 14 декември 2009 година

Триесет и прва седница на Комисијата за економски прашања

Комисијата за економски прашања на Собранието на Република Македонија на Триесет и првата седница, одржана на 10 декември 2009 година, како матично работно тело ги разгледа: Предлогот на Закон за изменување и дополнување на законот за минерални суровини (прво читање), Предлогот на Одлука за давање на согласност на утврдената стапка на надомест од вкупниот приход на друштвата кои вршат енергетска дејност за финансирање на работењето на Регулаторната комисија за енергетика на Република Македонија за 2010 година, во корегиран текст и Предлогот на финансискиот план на Регулаторната комисија за енергетика на Република Македонија за 2010 година, во корегиран текст.



Сабота, 12 декември 2009 година, Стокхолм

Учество на потпретседателот на Собранието на Република Македонија, г-ѓа Светлана Јакимовска, на Вонредна конференција на претседатели на парламентите на земјите-членки на ЕУ и земјите-кандидати за членство во Унијата

Привилегија и задоволство е да се учествува на Конференцијата по усвојувањето и стапувањето на сила на Лисабонскиот договор што донесе зголемување на улогата на националните парламенти како најзначајна новост на новиот Договор, а со која се надминува проблемот на демократскиот дефицит на Унијата. Тоа практично ќе значи дека ЕУ ќе има подобра легислатива преку нејзината подобра информираност за состојбите во државите-членки и ќе прерасне во интерпарламентарна демократија



Петок, 11 декември 2009 година

Претседателот на Собранието на Република Македонија Трајко Вељаноски денеска оствари средба со претседателот на Претставничкиот дом на Австралија Хери Џенкинс кој е во официјална посета на Република Македонија

Навистина е големо задоволство кога во посета доаѓа вистински пријател, а вие господине Џенкинс сте вистински пријател на Македонија, истакна на почетокот претседателот на Собранието господинот Вељаноски. Иако Република Македонија и Австралија се многу далеку, двете држави имаат добри билатерални односи, а во тие рамки свое место и придонес треба да дадат и двата парламента. Ме радува фактот дека и во Претставничкиот дом на Австралија е формирана група за пријателство со Република Македонија. Овие односи треба да ги развиваме и поради фактот дека во Австралија живее голема македонска дијаспора, а во Македонија многу позитивно беше прифатен билатералниот договор за социјалните права на Македонците потпишан неодамна за време на посетата на претседателот на Владата на Република Македонија господинот Никола Груевски на вашата држава, истакна претседателот на Собранието Трајко Вељаноски. Како што знаете Република Македонија се определи за евроатлантските интеграции. Во тие рамки неодамна за нашите граѓани ЕУ го укина визниот режим. Мислам дека ваков договор треба да постигнеме и со Австралија имајќи ги предвид токму врските со нашите сонародници кои живеат во Австралија, истакна Вељаноски.



Петок, 11 декември 2009 година

Средба на претседателот на Пратеничка група на Собранието на Република Македонија за соработка со Парламентот на Австралија г. Илија Димовски со г. Хери Џенкинс, претседател на Претставничкиот дом на Комонвелтот Австралија

Претседателот на Пратеничка група на Собранието на Република Македонија за соработка со Парламентот на Австралија г. Илија Димовски денеска оствари средба со г. Хери Џенкинс, претседател на Претставничкиот дом на Комонвелтот Австралија. Ова е прва средба на пратеничката група на Собранието на Република Македонија за соработка со Парламентот на Австралија од нејзиното основање



Петок, 11 декември 2009 година

Средба на координатори на пратенички групи во Собранието на Република Македонија со г. Хери Џенкинс, претседател на Претставничкиот дом на Комонвелтот Австралија

Координаторите на пратеничките групи во Собранието на Република Македонија денеска имаа средба со претседателот на Претставничкиот дом на Комонвелтот Австралија, г. Хери Џенкинс



Петок, 11 декември 2009 година

Четириесет и втора седница на Комисијата за финансирање и буџет

Комисијата за финансирање и буџет, на Четириесет и втората седница, одржана на 24, 25, 30 ноември, 1, 2, 4, 7, 9 и 10 декември 2009 година, како матично работно тело го разгледа Предлогот на Буџетот на Република Македонија за 2010 година



Четврток, 10 декември 2009 година, Брисел

Дводневен самит на ЕУ

На дводневната средба во Брисел, шефовите на држави или влади на земјите-членки на Европската унија, денес и утре ќе ги разгледаат прашањата за климатските промени и економското заздравување. 

На самитот ќе стане збор за текот на преговорите на Конференцијата на ОН за климатски промени што ќе се одржи во Копенхаген, како и за економската и финансиската состојба и за проблемот со невработеноста во Европската унија, при што ќе бидат разгледани посебните стратегии и мерките за надзор на финансиските пазари.

Од страна на Европскиот совет, се очекува да биде усвоена и  повеќегодишната програма во областа на слободата, безбедноста и правдата, како и т.н. „Стокхолмска програма за правна соработка”.

Ова е последен самит за време на шведското претседавање со ЕУ, раководен од шведскиот премиер Фредрик Рејнфелд, а од 1 јануари 2010 година со претседавањето со Советот ќе стапи неодамна избраниот претседател на Унијата,  Херман ван Ромпеј.

 Среда, 9 декември 2009 година, Париз

Учество на пратеникот Андреј Жерновски на комисија на Парламентарното собрание на Советот на Европа

Пратеникот Андреј Жерновски учествува на состанокот на Комисијата за миграции, бегалци и население на Парламентарното собрание на Советот на Европа, како и на Регионалната конференцијата за миграции и насилство врз жените во Европа, организирана од Советот на Европа и Интерпарламентарната унија, кои се одржуваат од 9 до 11 декември 2009 година во Париз.

На Комисијата за миграции, бегалци и население, г. Жерновски ќе информира за работата на Меѓународната конференција за миграциите на Ромите и слободата на движење на која учествуваше како претставник на Комисијата на 9 и 10 ноември 2009 година во Виена.

На Регионалната конференцијата за миграции и насилство врз жените во Европа, пратеникот Жерновски ќе има улога на претседавач во делот од сесијата на кој  ќе се расправа за прогонот врз основа на полот, односно формите на насилство врз жените, како сексуалното насилство во време на вооружени конфликти, домашното насилство, присилните бракови и други напади на физичкиот и психичкиот интегритет на жените, кои ги тераат да ги напуштаат своите држави и да бараат азил.

На сесијата ќе се разгледува имлементацијата во европските држави на Водечките принципи за прогонот врз основа на полот, објавени од високиот комесар за бегалци на Обединетите нации во 2002 година, како и начините да се избегне дискриминацијата на жените во државите во кои пристигнуваат како мигранти.



Среда, 9 декември 2009 година

Деветнаесетта седница на Комисијата за земјоделство, шумарство и водостопанство

Комисијата за земјоделство, шумарство и водостопанство на првото продолжение од деветнаесеттата седница, одржана на 7 декември 2009 година, како матично работно тело го разгледа Предлог-законот за изменување на Законот за водите (прво читање).



Понеделник, 7 декември 2009 година

Советот на ЕУ одлучува за добивање датум за преговори за членство на Македонија во Унијата

Советот на Европската унија на дводневен самит во Брисел, денеска и утре треба да одлучи дали Република Македонија ќе добие датум за почеток на преговори за членство во ЕУ, што беше препорачано од Европската комисија и Европскиот парламент

Петок, 4 декември 2009 година, Киев

Самит ЕУ - Украина

Економската и финансиската криза, трговските реформи и прашањата за гасот, се само некои од темите кои ќе бидат разгледани од страна на лидерите на Европската унија и Украина на денешниот самит во Киев.

Шведскиот премиер и претседавач со ЕУ, г. Фредерик Рејнфелд, кој ќе го води самитот, се надева на добра дискусија за тоа како соработката може да се развива во иднина.

„Важно е дека видовме дека Украина направи силни ангажмани и наскоро ќе преземе поголема одговорност во справувањето со економската криза. Освен тоа, се надевам дека можеме да имаме добра расправа за тоа како можеме да ја развиеме нашата соработка и понатаму, без оглед дали се работи за трговија помеѓу ЕУ и Украина  или кога е во прашање спроведување на потребните реформи во земјата“, изјави премиерот на Шведска.

Украина е една од земјите вклучени во „Источното партнерство“, кое подразбира поблиска соработка помеѓу ЕУ и шесте земји, што воедно е и приоритетно прашање на Шведското претседателство.  



Четврток, 3 декември 2009 година

Обраќање на претседателот Вељаноски во Универзална сала на одбележување на 3 Декември - меЃународен ден на лица со инвалидност

Денеска во целиот свет се одбележува Меѓународниот ден на лицата со инвалидност. Основна цел на одбележувањето на Меѓународниот ден на лицата со инвалидност е уште еднаш да се потсетиме дека овие наши сограѓани се тука меѓу нас. Но, истовремено и да погледнеме што сите ние како поединци и како институции, односно како држава во целост, сме направиле за овие наши сограѓани за во целост да се вклучат во сите сфери на општественото живеење. Тоа е наша законска обврска, а уште повеќе тоа е наша морална обврска, ако како поединци и како институции хуманоста ни е вистинска, а не само декларативна вредност. 



Четврток, 3 декември 2009 година

Претседателот на Собранието на Република Македонија г. Трајко Вељаноски оствари средба со претседателот на Република Хрватска г. Стјепан Месиќ

На средбата беше истакнато дека целокупните односи меѓу Република Македонија и Република Хрватска перманентно одат по нагорна линија. Во тие рамки се и средбите и разговорите на највисоките државни претставници на двете држави. 



Четврток, 3 декември 2009 година

Обраќање на Претседателот на Собранието на Република Македонија г. Трајко Вељаноски по повод Меѓународниот ден на лицата со инвалидност

Од 1992 година, според одлуката на Обединетите нации, 3 Декември се одбележува како Меѓународен ден на лицата со инвалидност. Денеска ширум светот тој се одбележува преку најразлични манифестации, но со единствена цел за уште еднаш да се потсетиме дека нашите сограѓани со инвалидитет се тука меѓу нас, дека тие се рамноправни граѓани како другите, а ние сме должни да им обезбедиме посебни услови за да можат нормално да го живеат својот живот и да се вклучат во сите сфери на општественото живеење.



Четврток, 3 декември 2009 година, Париз

Учество на Делегација на Собранието на Република Македонија на 57. пленарна сесија на Европското собрание за безбедност и одбрана

На Педесет и седмата пленарна сесија на Европското собрание за безбедност и одбрана, Собрание на Западноевропската унија (СЗЕУ), што се одржува од 1 до 3 декември 2009 година во Париз, Франција, учествува делегација на Собранието на Република Македонија во состав: г. Александар Николоски, шеф на делегацијата во СЗЕУ, г. Џеват Адеми и г. Јован Манасијевски, членови на делегацијата.



Среда, 2 декември 2009 година

Средба на претседателот на Собранието на Република Македонија, г. Трајко Вељаноски, со претседателот на Националниот совет на инвалидските организации

Претседателот на Собранието на Република Македонија, г. Трајко Вељаноски, пред утрешниот Меѓународен ден на лицата со инвалидност оствари средба со претседателот на Националниот совет на инвалидските организаци, г. Душан Нешевски, како и со претставници на инвалидските организации во Република Македонија



Среда, 2 декември 2009 година

Прослава на Лисабонскиот договор

На свечена церемонија во Лисабон, каде на 13 декември 2007 година, шефовите на државите и влади на 27-те земји-членки на Европската унија го потпишаа европскиот реформски договор, вчера беше одбележано неговото стапување на сила.



Вторник, 1 декември 2009 година

Лисабонскиот договор стапува на сила

Со стапување на сила на Лисабонскиот договор, ЕУ доби две нови функции – висок претставник за надворешна политика и претседател на Советот на ЕУ. За прв претседател на Советот на ЕУ е избран белгискиот премиер Херман ван Ромпуј, кој ќе стапи на должност на 1 јануари, додека на функцијата висок претставник на Европската унија за надворешна политика и безбедност беше избрана Британката Кетрин Ештон



Вторник, 1 декември 2009 година

Република Македонија е на вистински пат кон Европската унија и НАТО-алијансата

Претседателот на Комисијата за одбрана и безбедност, г. Владимир Ѓорчев и членовите на Комисијата вчера имаа средба со министерката за меѓународна одбрана и безбедност на Обединетото Кралство, бароницата Ен Тејлор од Болтон