Петок, 25 февруари 2011 година

Проштална средба на претседателот на Комисијата за надворешна политика на Собранието на Република Македонија, г-ѓа Теута Арифи со Н.Е. Ерван Фуере

Амбасaдорот, г. Ерван Фуере изрази задоволство за нивото на остварената соработка со институциите во државата и секако со македонскиот парламент, особено со надлежните тела во собранието за евроинтегративниот процес на државата, но и со пратениците поединечно

Петок, 25 февруари 2011 година, Виена, Австрија

Учество на пратеникот г. Хисен Џемаили, на Десеттата зимска сесија на ПС на ОБСЕ

Пратеникот г. Хисен Џемаили, член на Делегацијата на Собранието на Република Македонија во Парламентарното собрание на ОБСЕ (ПС на ОБСЕ), учествува на Десеттата зимска сесија на ПС на ОБСЕ, што се одржува на 24 и 25 февруари 2011 година во Виена, Австрија

Понеделник, 21 февруари 2011 година

Европскиот парламент силен поддржувач на Република Македонија во евроинтегративниот процес

Националниот совет за евроинтеграции во Собранието на Република Македонија денеска оствари средба со г. Едуард Кукан, пратеник во Европскиот парламент и известител во сенка за Република Македонија во групата на Европски народни партии и поранешен министер за надворешни работи на Словачка Република, кој е во работна посета на Република Македонија.

Понеделник, 21 февруари 2011 година

Деведесет и петта седница на Комисијата за финансирање и буџет

Комисијата за финансирање и буџет на Собранието на Република Македонија на Деведесет и петтата седница, одржана на 18 февруари 2011 година, како матично работно тело, акко матично работно тело разгледа десет Предлог-закони, за кои воведно образложение даде заменикот на министерот за финансии, г. Недим Рамизи

Понеделник, 21 февруари 2011 година

Педесет и трета седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Македонија, на 53. седница, одржана на 17 февруари 2011 година, како матично работно тело во прво читање ги разгледа

Петок, 18 февруари 2011 година

Четиринаесетта седница на Комитетот за односи меѓу заедниците

Комитетот за односи меѓу заедниците, денеска ја одржа Четиринаесеттата седница со дневен ред „Случувањата на Скопското Кале и нивното влиjание врз меѓуетничките и меѓуверските односи во Република Македонија”

Петок, 18 февруари 2011 година

Средба со амбасадорот на Народна Република Кина во Република Македонија Н.Е. Донг Чун Фенг

Членовите на Пратеничката група на Собранието на Република Македонија за соработка со парламентот на Народна Република Кина, г-ѓа Силвана Бонева, претседател, г-ѓа Нада Станчевска, г. Џеват Адеми и г. Васко Шутаров, членови, вчера остварија средба со амбасадорот на Народна Република Кина во Република Македонија, Н.Е. Донг Чун Фенг

Четврток, 17 февруари 2011 година

Завршница на седницата на Европарламентот

На вчерашната пленарна седница во Стразбур, Европскиот парламент ја усвои резолуцијата во врска со преговорите за членство на Хрватска во Европската унија, коишто можат да завршат во првата половина на 2011 година под услов земјата да продолжи со успешно спроведување на реформите.

Борбата против корупцијата, поддршката за враќањето на бегалците и реструктурирање на бродоградилиштата се предизвиците со кои сè уште се соочува оваа земја.

По две и пол години преговори, членовите на Европарламентот денеска дадоа „зелено светло“ за ратификација на договорот на ЕУ за слободна трговија со Јужна Кореја.

Европратениците дискутираа и за ситуацијата во Египет, по падот на претседателот Хосни Мубарак, за тоа како 80 милиони Египѓани се исправени пред тешката задача за создавање нов демокраски поредок.

Исто така, Европарламентот усвои нови правила за поголеми права на патниците во автобускиот сообраќај, а одобри и нов закон кој треба официјално да го потврди Советот на министри, а се однесува на спречување интернет продажба на фалсификувани лекарства.

Среда, 16 февруари 2011 година

Педесет и деветта седница на Комисијата за економски прашања

Комисијата за економски прашања на Собранието на Република Македонија на Педесет и деветтата седница, одржана на 15 февруари 2011 година, како матично работно тело ги разгледа

Вторник, 15 февруари 2011 година

Пленарна седница на Европскиот парламент

Од 14 до 17 февруари во Стразбур се одржува пленарна седница на Европскиот парламент. На отворањето, претседателот на Парламентот, г. Јержи Бузек, говореше за актуелната ситуација во Египет, за пристигнувањето на бегалци од Северна Африка на европските брегови, за Меѓународниот ден против деца војници и неодамнешното извршување на смртна казна во Иран.

Денеска ќе биде ставена на гласање резолуцијата за пензиите, со која се поддржува одржливост на системите и адекватни пензиски примања. Пензиските реформи се во тек во Европа, како одговор на застарувањето на населението во ЕУ и економскиот пад.

На овонеделната седница, исто така, ќе стане збор и за членството на Хрватска во Унијата, како и за спорниот унгарски закон за медиумите.

Европратениците ќе се залагаат и за екологија, преку воведување на почисти и поекономични микробуси во ЕУ.

Во новото законодавство на ЕУ се предвидува да биде опфатена и заштитата на пациентите од фалсификувани лекарства преку интернет продажбата.

На агендата, покрај другото, ќе се најдат и: слободната трговија на ЕУ со Јужна Кореја, Дунавската стратегија, проблемот со зголемувањето на цените на храната во светот, безвизниот режим за граѓаните на ЕУ во Бразил, економските реформи и целите за развој на човековите права.

Петок, 11 февруари 2011 година, Будимпешта

Пратеникот Петар Поп-Арсов учествуваше на Kонференција на претседатели на комисиите за европски прашања на државите-членки на Европската унија-КОСАК

Претседателот на Комисијата за европски прашања г. Петар Поп-Арсов оствари контакти со повеќе претседатели на комисии за европски прашања на земјите-членки на ЕУ, со кои дискутираше за одредени прашања актуелни во Европската унија, како и за можностите за деблокирање на евроинтегративните процеси на Република Македонија

Четврток, 10 февруари 2011 година

Деведесет и четврта седница на Комисијата за финансирање и буџет

Комисијата за финансирање и буџет на Собранието на Република Македонија, на денешната 94. Седница, како матично работно тело ги разгледа

Среда, 9 февруари 2011 година

Деведесет и трета седница на Комисијата за финансирање и буџет

Комисијата за финансирање и буџет на Собранието на Република Македонија на 8 февруари 2011 година ја одржа својата Деведесет и трета седница

Среда, 9 февруари 2011 година

Педесет и втора седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Македонија, вчера ја одржа својата 52. седница, на која како матично работно разгледа три Предлог-закони

Понеделник, 7 февруари 2011 година

Парламентарна делегација на Собранието на Република Македонија оствари посета на Литванија и Латвија

Пратениците Лилјана Поповска, Оливер Алексовски и Зумрете Јакупи, како членови на Пратеничката група за соработка со парламентите на балтичките земји: Естонија, Латвија и Литванија од 31 јануари до 3 февруари остварија работни посети на парламентите на Литванија и на Латвија. 

Понеделник, 7 февруари 2011 година

Педесет и осма седница на Комисијата за економски прашања

Комисијата за економски прашања на Собранието на Република Македонија, на денешната 58. седница, како матично работно тело ги разгледа: 

• Предлог-законот за изменување и дополнување на Законот за трговските друштва - II читање,
• Предлог-законот за изменување и дополнување на Законот за заштита на потрошувачите - II читање,
• Предлог-законот за изменување и дополнување на Законот за индустриската сопственост - II читање и
• Предлог-законот за изменување и дополнување на Законот за безбедност на производите - II читање.

По Предлогот на закон за изменување и дополнување на Законот за трговските друштва, Комисијата го претресе поднесениот амандман за менување на член 2, поднесен од пратеникот г-ѓа Нада Станчевска.

Во претресот учествуваа членот на Комисијата за економски прашања, г-ѓа Нада Станчевска и  заменик-министерот за економија, д-р Методиј Хаџи-Васков.

Комисијата за економски прашања едногласно го усвои поднесениот амандман.

Во однос на Предлогот на закон за изменување и дополнување на Законот за заштита на потрошувачите, Комисијата претресе 4 амандмани од овластени предлагачи и едногласно ги усвои истите.

Претседателот на Комисијата за економски прашања, г. Љубисав Иванов Ѕинго, ги извести пратениците дека по Предлог-законот за изменување и дополнување на Законот за безбедност на производите и Предлог-законот за изменување и дополнување на Законот за индустриската сопственост, во рокот утврден со Деловникот на Собранието на Република Македонија, не се поднесени амандмани од овластените предлагачи.

Комисијата за економски прашања заклучи Предлог-законот за изменување и дополнување на Законот индустриската сопственост и Предлог-законот за изменување и дополнување на Законот за индустриската сопственост, да ги проследи на натамошна постапка на Собранието на Република Македонија. 

Петок, 4 февруари 2011 година

Претседателот на Комисијата за финансирање и буџет, г. Јован Манасијевски оствари средба со директорот на Канцеларијата на Светската банка во Република Македонија, г-ѓа Лилија Бурунчук

Од страна на членовите на Комисијата за финансирање и буџет, се искажа потреба од одржување на седница на Комисијата за финансирање и буџет на која ќе бидат презентирани плановите за активностите на Светската банка за оваа фискална година, како и за наредните три фискални години. Одобрените кредити од Светската банка за финансирање на проекти од областа на инфраструктурата беа оценети како посебно корисни за развојот на Република Македонија.

Петок, 4 февруари 2011 година

ИЗЛЕЗЕ ДВАНАЕСЕТтИОТ БРОЈ НА БИЛТЕНОТ НА МЕШОВИТИОТ ПАРЛАМЕНТАРЕН КОМИТЕТ РМ-ЕУ

Во тековниот број на Билтенот содржани се информации за одбележувањето на 20-годишнината од конституирањето на првиот состав на Собранието на Република Македонија, за зедничкиот состанок на МПК, како и повеќе собраниски тела на кои беа претставени приоритетите на Унгарското претседателство со ЕУ, за посетата на израелски преставници во рамките на активностите на државно и парламентарно ниво за одбележување на Меѓународниот ден на Холокаусот и средбата што тие ја остварија во македонскиот законодавен дом, како и повеќе други теми, кои поблизу го определуваат текот на процесот на европските интеграции на Република Македонија.

Четврток, 3 февруари 2011 година

Македонските стипендисти во Бундестагот - неформални амбасадори на Република Македонија

Потпретседателот на Собранието на Република Македонија, г-ѓа Светлана Јакимовска, денеска оствари средба со стипендистите на Меѓународната стипендија (ИПС) на германскиот Бундестаг

Вторник, 2 февруари 2011 година

Пленарна седница на Европарламентот

Европскиот парламент, денеска и утре, ќе одржи пленарна седница во Брисел, на која ќе се расправа за ЕУ приоритетите на енергетската стратегија со Советот и Комисијата, во пресрет на состанокот на Европскиот совет на 4 февруари, којшто ќе се фокусира на енергетиката и иновациите