Петок, 10 октомври 2014 година

Светска недела на детето

Во рамките на годинешното одбележување на Светската недела на детето, денеска дел од децата и вработените од детската градинка „Раде Јовчевски-Корчагин“ од Скопје, го посетија Собранието на Република Македонија и остварија средба со претседателот на Собранието, г. Трајко Вељаноски.

Четврток, 9 октомври 2014 година

Ѓорчев во ОБСЕ: Македонија има право на својот идентитет

Парламентарното собрание на Организацијата за безбедност и соработка во Европа (ПС на ОБСЕ), ги одржува своите редовни Есенски состаноци октомври 2014 година во Женева, Швајцарија, на коишто учествуваа над 200 парламентарци од повеќе од 50 земји. 

На овие состаноци од Собранието на Република Македонија учествуваше г. Владимир Ѓорчев, член на Делегацијата на Собранието на Република Македонија во Парламентарното собрание на Организацијата за безбедност и соработка во Европа. 

Четврток, 9 октомври 2014 година

Посета на г. Аиво Орав, амбасадор и шеф на Делегацијата на ЕУ

Амбасадорот и шеф на Делегацијата на Европската унија, г. Аиво Орав, оствари средба со пратениците: г-ѓа Роза Топузовска-Каревска, г-ѓа Солза Грчева и г-ѓа Љубица Буралиева, на кои им предаде копии од Извештајот на Европската комисија за напредокот на Република Македонија.

Среда, 8 октомври 2014 година

ПРЕТСЕДАТЕЛОТ ВЕЉАНОСКИ ГО ПРИМИ ИЗВЕШТАЈОТ НА ЕВРОПСКАТА КОМИСИЈА ЗА НАПРЕДОКОТ НА РЕПУБЛИКА МАКЕДОНИЈА ЗА 2014 ГОДИНА

Евроамбасадорот г. Аиво Орав официјално го предаде Извештајот на Европската комисија за напредокот на Република Македонија за 2014 година на претседателот на Собранието на Република Македонија, г. Трајко Вељаноски. На примопредавањето на Извештајот беа поканети и присуствуваа и потпретседателите на Собранието на Република Македонија, координаторите на пратеничките групи во Собранието и претседателите на дел од собраниските комисии.

Среда, 8 октомври 2014 година

Шеста седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Македонија, на вчерашната 6. седница, како матично работно тело во прво читање го разгледа Предлогот на законот за изменување и дополнување на Законот за здравјето на растенијата.

Вторник, 7 октомври 2014 година

Посета на членови на Парламентот на Обединето Кралство

Потпретседателот на Собранието на Република Македонија и претседател на Комисијата за надворешни работи, м-р Антонијо Милошоски, шефот на Делегацијата во Парламентарното собрание на Советот на Европа, г. Александар Николоски и претседателот на Комисијата за политички систем и односи меѓу заедниците, г. Влатко Ѓорчев, денеска остварија средба со членови на Парламентот на Обединето Кралство.

Вторник, 7 октомври 2014 година

СРЕДБА НА ПРЕТСЕДАТЕЛОТ ВЕЉАНОСКИ СО Г. БРАЈАН БИНЛИ И Г. МАРК ПРИЧАРД

Претседателот на Собранието на Република Македонија, г. Трајко Вељаноски, оствари средба со членови на Парламентот на Обединетото Кралство на Велика Британија и Северна Ирска, г. Брајан Бинли и г. Марк Причард. 

Вторник, 7 октомври 2014 година

Одржана Конститутивната седница на Секцијата на Собранието на Република Македонија во Парламентарното собрание на Франкофонијата

Секцијата се основа заради учество во Парламентарното собрание на Франкофонијата и за размена на искуства со парламентите и органите на Организацијата на Франкофонијата и франкофонските земји.

Четврток, 2 октомври 2014 година

Средба на пратеникот Нора Алити со г. Јанез Копач

Заменик-претседателот на Комисијата за европски прашања, г-ѓа Нора Алити, оствари средба со директорот на Секретаријатот на Европската енергетска заедница, г. Јанез Копач, на која стана збор за активностите на Република Македонија за реализација на последната фаза на усогласување на македонското законодавство со правото на Европската унија, а кое се однесува на усогласувањето со уште две директиви и две регулативи од т.н. „Трет пакет". 

Четврток, 2 октомври 2014 година

Реформите во енергетиката бараат силна поддршка

Директорот на Секретаријатот на Европската енергетска заедница, г Јанез Копач, пред членовите на Комисијата за европски прашања и Комисијата за економски прашања на Собранието на Република Македонија, имаше презентација во врска со постигнатите резултати во реформите, во однос на реализирањето на Договорот за Енергетска заедница за земјите потписнички.