Петок, 7 септември 2018 година

Средба на претседателот Џафери со сенаторот во францускиот Сенат, Оливје Кадик

Претседателот на Собранието на Република Македонија, Талат Џафери, денеска оствари средба со Оливје Кадик, француски сенатор и претставник на француските државјани кои живеат во странство.

На почетокот од средбата, претседателот Џафери му посака добредојде на гостинот и  искажа задоволство што член на францускиот Сенат е во посета на Собранието на Република Македонија. 

Четврток, 6 септември 2018 година

Средба на претседателот Џафери со генералниот секретар на НАТО, Јенс Столтенберг

Во рамките на официјалната посета на Република Македонија, генералниот секретар на НАТО, Јенс Столтенберг, оствари средба со претседателот на Собранието на Република Македонија, Талат Џафери. 

На средбата присуствуваа координаторите на Пратеничките групи во Собранието,  Соња Мираковска, Драган Данев, Ејуп Алими и Африм Гаши, како и претседателот на Комисијата за одбрана и безбедност, Хари Локвенец.

Среда, 5 септември 2018 година

Пуштена во употреба електронски кодифицирана и индексирана законодавна архива на Собранието на Република Македонија

Парламентарниот институт на Собранието денеска пушти во употреба е-архива систем на Собранието, со достапни и лесно пребарливи над 1,4 милиони страни архивски документи од работата на Собранието во периодот од 1986 до 2012 година.

Среда, 5 септември 2018 година

Германски предлог за создавање институција правобранител за војска, за контрола на Парламентот над Армијата

Комисијата за одбрана и безбедност на Собранието на Република Македонија оствари средба со Рејнхолд Робе, поранешен пратеник во германскиот Бундестаг и поранешен омбудсман во Армијата на Сојузна Република Германија.

Понеделник, 3 септември 2018 година

Работна средба на генералната секретарка Иванова со парламентарни секретари од Република Бугарија

Генералната секретарка на Собранието на Република Македонија, Цветанка Иванова, заедно со претставници од собраниската служба, оствари работна средба со парламентарни секретари од Република Бугарија, кои беа во посета на македонскиот законодавен дом.

Понеделник, 3 септември 2018 година

Средба на претседателот Џафери со Јан Петерсен, шеф на Набљудувачката мисија на ОБСЕ/ОДИХР за референдумот 

Претседателот Џафери изрази задоволство што ОБСЕ/ОДИХР одлучи да испрати Мисија за набљудување на референдумот на 30 септември 2018 година и оцени дека следењето на спроведувањето на референдумот од страна на оваа организација е од исклучителна важност за поттикнување на довербата во референдумскиот процес. 

Понеделник, 3 септември 2018 година

Дваесет и петта седница на Комисијата за транспорт, врски и екологија

Комисијата за транспорт, врски и екологија на Собранието на Република Македонија, на 25. седница, одржана на 30 август и 3 септември 2018 година, како матично работно тело, во скратена постапка го разгледа Предлог-законот за дополнување на Законот за превоз во патниот сообраќај, поднесен од пратениците: Хари Локвенец, Реџаиљ Исмаили, Агим Шаќири, Петар Атанасов, Лидија Тасевска, Горан Милевски, Мирослав Јовановиќ, Александар Кирацовски и Татјана Лалчевска.

Петок, 31 август 2018 година

Четиринаесетта седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Македонија, на вчерашната 14. седница, како матично работно тело во скратена постапка го разгледа Предлогот на законот за изменување и дополнување на Законот за основање на агенција за финансиска поддршка во земјоделството и руралниот развој, предложен од пратениците Реџаиљ Исмаили и Татјана Прентовиќ.

Вторник, 28 август 2018 година

Конгресмените на САД на средба со Парламентарниот институт и невладиниот сектор

Конгресмените на САД денеска оставија средба со Парламентарниот институт и со претставниците на невладиниот сектор. Златко Атанасов, на почетокот ги запозна со начинот на работење и задачите на Парламентарниот институт, кој има широк мандат и одговорна работа. 

Понеделник, 27 август 2018 година

Седумдесет и еден пратеник „за“ референдумското прашање

Пратеничките групи на СДСМ, ДУИ, ДПА, Алијансата на Албанците, Беса, како и двајца независни пратеници или 71 пратеник, до претседателот на Собранието на Република Македонија, Талат Џафери, испратија допис со кој го информираат дека нивните пратеници ќе земат активно учество во јавната кампања за референдумот на државно ниво, кој ќе се одржи на 30-ти септември 2018-та година и дека се изјаснуваат „ЗА“ референдумското прашање.