Понеделник, 27 ноември 2017, Стокхолм

Аудиенција кај Кралот на Шведска, Неговото Височество Карл XVI Густаф, на г. Талат Џафери, претседател на Собранието на Република Македонија

Согласно Програмата на официјалната посета, реализирана е Аудиенција кај Кралот на Шведска, Неговото Височество Карл XVI Густаф, за претседателот на Собранието на Република Македонија, г. Талат Џафери. Во оваа пригода, беа разменети видувања за актуелните состојби на политички и општествен план од билатерален и мултилатерален карактер. 

Понеделник, 27 ноември 2017, Стокхолм

Средба на претседателот Џафери и собраниска делегација со г-ѓа Маргот Валстром, министер за надворешни работи на Кралството Шведска

Денес, во рамките на Програмата, беше остварена средба со министерката за надворешни работи, г-ѓа Маргот Валстром. Претседателот Џафери го поздрави неодамнешното потпишување на Декларацијата за соработка меѓу Република Македонија и Кралството Шведска, со која се реафирмира поддршката за нашите стратешки приоритети и се дефинираат конкретни области од заемен интерес на билатерален и на мултилатерален план. Истовремено, г. Џафери се заблагодари на донесувањето на Одлуката на Владата на Кралството Шведска за ревидирање на стратегијата за помош на земјите од Западен Балкан (СИДА), со која ќе се даде значителен поттик кон демократизација на повеќе области од државен и поширок општествен интерес.

Понеделник, 27 ноември 2017 година, Стокхолм

Средба на претседателот Џафери и собраниска делегација со г-ѓа Ева-Луиз Ерландсон Слорах, градоначалничка на Стокхолм

Во рамките на официјалната посета на Кралството Шведска, претседателот на Собранието на Република Македонија, г. Талат Џафери и пратениците Фросина Ташевска-Ременски, Ејуп Алими и Фадил Зендели, беа во посета на Градската управа на Стокхолм, каде што г-ѓа Ева-Луиз Ерландсон Слорах, градоначалничка на Стокхолм, им ја презентираше работата и функционирањето на Градскиот совет на Стокхолм. 

Петок, 24 ноември 2017 година

Обраќање на претседателот Џафери на меѓународниот настан „16 дена активизам против родово насилство“

„Сите човечки суштества се раѓаат слободни и еднакви по достоинство и права. Тие се обдарени со разум и совест и треба да се однесуваат еден кон друг во духот на братството“.

Петок, 24 ноември 2017 година

Стандардизација на извештаите кои органите и институциите ги доставуваат до Собранието

Членовите на Комисијата за политички систем и односи меѓу заедниците одржаа работна средба со претставници на органите и институциите кои имаат законски основ да доставуваат извештаи до Собранието на Република Македонија, а кои се во надлежност на Комисијата за политички систем и односи меѓу заедниците. Овој состанок е дел од активностите кои Комисијата за политички систем и односи меѓу заедниците во соработка со Мисијата на ОБСЕ во Скопје, ги презема во насока на стандардизација на извештаите кои органите и институциите ги доставуваат до Собранието. 

Петок, 24 ноември 2017 година, Женева

Собраниски комисии на експертска дебата во Женева

Од 21 до 23 ноември пратеници од Комисијата за одбрана и безбедност, Комисијата за контрола на работата над УБК и АР и Комисијата за надзор на следењето на комуникациите и директорите на разузнавачко-безбедносните институции на Република Македонија, во Женева, учествуваа на експертска дебата за реформата на разузнавачката заедница и зајакнување на парламентарниот надзор.

Четврток, 23 ноември 2017 година, Пореч, Хрватска

Обраќање на претседателот Џафери по повод откривањето на споменикот на Мајка Тереза 

Навистина ми претставува огромно задоволство што денеска присуствувам на свеченото откривање на споменикот на светицата Мајка Тереза, овде во Пореч.

За нас Албанците, без разлика каде живееме и на која вера ѝ припаѓаме, а верувам и за секој хуман човек, блажената светица Мајка Тереза е симбол на безгранична хуманост, на љубов и грижа токму кон оние луѓе кон кои животот бил немилосрден.

Среда, 22 ноември 2017 година

Почеста размена на искуства за економските политики и продлабочување на националните економии 

Комисијата за финансирање и буџет на Собранието на Република Македонија оствари средба со Пратеничката група за меѓупарламентарни односи со Република Македонија на Врховната Рада на Украина, во состав: г. Андриј Шињкович, претседател на Групата и членовите г. Михајло Кобцев и г. Роман Мацола.

Среда, 22 ноември 2017 година

Евроинтеграциите - заеднички интерес на Македонија и Украина

Комисијата за надворешна политика на Собранието на Република Македонија оствари средба со Пратеничката група за меѓупарламентарни односи со Република Македонија на Врховната Рада на Украина, во состав: г. Андриј Шињкович, претседател на Групата и членовите г. Михајло Кобцев и г. Роман Мацола, а во придружба на амбасадорката на Украина во нашата земја, г-ѓа Наталија Задорожњук.

Среда, 22 ноември 2017 година

Средба на двете Пратенички групи за соработка меѓу Македонија и Украина

На средбата беа присутни г. Јован Митрески, претседател на Пратеничката група и членовите: г-ѓа Весна Пемова, г. Драган Цуклев, г. Мирослав Јовановиќ и г. Васил Пишев. Од друга страна, Пратеничката група за меѓупарламентарни односи со Република Македонија на Врховната Рада на Украина беше предводена од г. Андриј Шињкович, претседател и членовите: г. Михајло Кобцев и г. Роман Мацола, како и г-ѓа Наталија Задорожњук, амбасадорка на Украина во Македонија.