Среда, 2 декември 2020

Учество на пратеникот Адеми на виртуелна средба на тема: „Западен Балкан: 25 години по Договорот од Дејтон“

Претседателот на Комисијата за европски прашања на Собранието на Република Северна Македонија, Арбер Адеми, денеска учествуваше на виртуелна Интерпарламентарна комисиска средба на тема: „Западен Балкан: 25 години по Договорот од Дејтон“, која се оддржа во Брисел, во организација на Комисијата за надворешни работи-АФЕТ, во Европскиот парламент.

Вторник, 1 декември 2020

Виртуелна средба на претседателот Џафери  со претседателот Соботка

Претседателот на Собранието на Република Северна Македонија, Талат Џафери, оствари видео-средба со претседателот на Националниот совет на Република Австрија, Волфганг Соботка.

Понеделник, 30 ноември 2020

Работна средба на претседателот Џафери со амбасадорката Галовеј

Претседателот на Собранието на Република Северна Македонија, Талат Џафери, денеска оствари работна средба со Н.Е. Рејчел Галовеј, амбасадорка на Обединетото Кралство на Велика Британија и Северна Ирска во Република Северна Македонија.

Понеделник, 30 ноември 2020

Учество на пратеникот Арбер Адеми на КОСАК конференција

Претседателот на Комисијата за европски прашања на Собранието на Република Северна Македонија, Арбер Адеми, учествуваше на дводневната виртуелна Конференцијата на комисиите за европски прашања на земјите ЕУ членки-КОСАК, што се оддржа во Берлин, во рамките на Германското претседателство со ЕУ.

Четврток, 26 ноември 2020 година

Седма седница на Комисијата за одбрана и безбедност

Комисијата за одбрана и безбедност на денешната 7. седница, како матично работно тело ги разгледа: 

1. Предлог-одлуката за испраќање на припадници на Армијата на Република Северна Македонија за учество во меѓународната операција на Европската Унија „ЕUТМ RCA“ во Централна Африканска Република;
2. Предлог-законот за изменување на Законот за приватно обезбедување.

Четврток, 26 ноември 2020

Обраќање на Адеми на работилницата: Патокозот на Северна Македонија до ЕУ“

Притоа, Адеми, посочи дека треба да гледаме во иднината и да изнајдеме решенија за сите проблеми, со цел нашиот евроинтегративен процес да оди напред. Затоа, истакна Адеми, треба да ги прифатиме разликите и да најдеме начин да одиме напред, а  минатото да им го оставиме на научните работници, кои не се оптоварени си политичките прашања и динамики, со цел да си ја сработат својата работа со добра волја и верба преку постигнување на заеднички јазик да направат мост во споделената историја. 

Понеделник, 23 ноември 2020 година

Петта седница на Комисијата за транспорт, врски и екологија

Комисијата за транспорт, врски и екологија, на денешната 5. седница, како матично работно тело во прво читање ги разгледа:

Недела, 22 ноември 2020 година

ДОДЕЛУВАЊЕ НА ДРЖАВНАТА НАГРАДА „22 НОЕМВРИ“

Оваа година, со Одлука на Одборот, добитници на наградата се проф. д-р Џеват Лоши, албанолог и академик Али Алиу, книжевен критичар. На доделувањето беа присутни претседателот на Собранието на Република Северна Македонија, Талат Џафери, претседателот на Демократската унија за интеграција, Али Ахмети, првиот вицепремиер Артан Груби, министерката за култура, Ирена Стефоска, како и други претставници од Владата на Република Северна Македонија, пратеници и други видни личности од општествениот и културниот живот во земјата. 

Сабота, 21 ноември 2020 година, Хотел „Уранику“ - Дебар

Поздравно обраќање на претседателот Џафери на Свечената академија по повод 111-годишнината од Дебарскиот конгрес 

Дозволете да го споделам задоволството што денес сум тука помеѓу вас, на одбележувањето на 111-годишнината од Дебарскиот конгрес, конгресот на будењето на националната свест на Албанците за независност каде силата на националното чувство, со сета волја, визија, моќ и храброст на албанските делегати од сите вилаети, успеа да ги стави на маса за дискусија интересите, потребите и правата на Албанците и по шестдневна работа, покрај усвојувањето на мерките кои беа во однос на вкупниот економски и културен развој на вилаетите на Европска Турција, се опфатија и посебни мерки кои беа во однос на Албанците а кои беа поднесени од претставниците на оваа национална албанска струја.

Сабота, 21 ноември 2020 година, Институт за духовно и културно наследство на Албанците

Поздравно обраќање на претседателот Џафери на Научната академија по повод Научно-културната манифестација „Деновите на Азбуката - II“

Имам чест во мое лично име и од име на пратениците во Собранието на Република Северна Македонија да изразам моја искрена почит и честитки по повод 22 Ноември, 112-годишнината од Битолскиот конгрес каде и се унифицираше албанската азбука и што се одбележува како признаен национален празник на Албанците во Северна Македонија.