Понеделник, 21 јули 2014 година

Прва седница на Комитетот за односи меѓу заедниците

По гласањето, претседавачот констатираше дека за претседател на Комитетот за односи меѓу заедниците е избран членот на Комитетот г. Ејуп Рустеми, а за заменик на претседателот на Комитетот е избран членот на Комитетот г. Благоја Деспотоски.

Среда, 18 јули 2014 година, Рим, Италија

Продолжување на процесот на придружување на земјите-кандидати за членство во ЕУ важен процес за земјите од Западен Балкан

Во врска со проширувањето претседателката на Комисијата, г-ѓа Ермира Мехмети, имаше свое излагање во кое го потенцира значењето на продолжувањето на процесот на придружување на земјите-кандидати за членство во ЕУ, како важен процес за земјите од Западен Балкан, кој е неопходен за стабилност и мир во регионот. Притоа, таа истакна дека придружувањето кон ЕУ е силен мотив и двигател на европските реформи во сите области во регионот и изрази надеж дека за Македонија во следните шест месеци ќе има напредок во евроинтегративните процеси.

Понеделник, 14 јули 2014 година

Важно е да се градат лични контакти на релација Македонија - Австралија

Претседателот на Пратеничката група на Собранието на Република Македонија за соработка со Парламентот на Австралија, г. Илија Димовски, оствари средба со г. Мајкл Садерленд, претседател на Парламентот на Западна Австралија

Понеделник, 14 јули 2014 година

ПРЕТСЕДАТЕЛОТ ВЕЉАНОСКИ ОСТВАРИ СРЕДБА СО Г. МАЈКЛ САДЕРЛЕНД, ПРЕТСЕДАТЕЛ НА ПАРЛАМЕНТОТ НА ЗАПАДНА АВСТРАЛИЈА

На почетокот на средбата, г. Мајкл Садерленд, изрази задоволство од можноста да ја посети Република Македонија, да се увери во гостопримството на нејзините граѓаните, како и од можноста за средба со претседателот на Собранието на Република Македонија, г. Трајко Вељаноски. 

Четврток, 10 јули 2014 година

Средба на претседателот Вељаноски со Делегација на Ад-хок комисијата на ПС СЕ за набљудување на претседателските избори и предвремените парламентарни избори

На почетокот на средбата, соговорниците изразија задоволство што повторно имаат можност да се сретнат и да разменат ставови и мислења, пред сè со цел да се надминат и разрешат актуелните состојби.

Четврток, 10 јули 2014 година

Посета на Делегација на Ад-хок комисијата на ПС СЕ за набљудување на претседателските избори и предвремените парламентарни избори

Шефот на Делегацијата на Собранието на Република Македонија во Парламентарното собрание на Советот на Европа (ПС СЕ), г. Александар Николоски и заменик-членот на Делегацијата, г. Имер Алиу, остварија средба со Делегација на Ад-хок комисијата на ПС СЕ за набљудување на претседателските избори и предвремените парламентарни избори.

Среда, 9 јули 2014 година

Втора седница на Комисијата за транспорт, врски и екологија

Комисијата за транспорт, врски и екологија  на Собранието на Република Македонија, на вчерашната 2. седница, како матично работно тело, во прво читање, ги разгледа

• Предлогот на законот за изменување и дополнување на Законот за постапување со бесправно изградени објекти;
• Предлогот на законот за изменување и дополнување на Законот за градење;
• Предлогот на законот за изменување и дополнување на Законот за превоз во патниот сообраќај.

Понеделник, 7 јули 2014 година

Презентирани Програмата и приоритетите за работа на Италијанското претседателство со Советот на Европската унија за периодот јули - декември 2014 година

Денеска, Комисијата за европски прашања на Собранието на Република Македонија, со која претседаваше претседателот на Комисијата, г-ѓа Ермира Мехмети, ја одржа својата Прва седница со единствена точка на дневниот ред, посветена на Програмата и приоритетите за работа на Италијанското претседателство со Советот на Европската унија за периодот јули - декември 2014 година. 

Недела, 6 јули 2014 година

Обраќање на претседателот Вељаноски на 53. Балкански фестивал на народни игри и песни

Од година во година задоволството да се биде дел од оваа манифестација станува сè поголемо. Дотолку поголемо, имајќи ја предвид долгогодишноста, нејзиното значење, признанието кое ѝ се оддава, вниманието кои ѝ се посветува. Особено горди не прави фактот што токму Балканскиот фестивал на народни игри и песни, како најстара фолклорна манифестација на Балканот, го има заслужениот примат дома, но и надвор од Македонија.

Петок, 4 јули 2014 година

Средба на пратеничката Силвана Бонева со г. Вен Женшун

На средбата се разговараше за понатамошната парламентарната соработка помеѓу двете држави. Беше истакнато дека односите на двете држави имаат нагорен тренд во сферата на политичката соработка, економијата, културата, образованието и во градењето на добрите односи помеѓу луѓето од двете земји