Среда, 24 јули 2019 година

Средба на претседателот Џафери со амбасадорката на Народна Република Кина, Н.Е. Јин Лишиан

Претседателот на Собранието на Република Северна Македонија, Талат Џафери, оствари средба со амбасадорката на Народна Република Кина, Н.Е. Јин Лишиан, чија дипломатска мисија во Република Северна Македонија завршува на крајот на месец јули. На средбата беа присутни и потпретседателот на Собранието, Горан Мисовски и претседателката на пратеничката група за соработка со парламентот на Народна Република Кина, Владанка Авировиќ.

Вторник, 23 јули 2019 година

Дваесет и трета седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Северна Македонија, на денешната 23. седница, како матично работно тело, во скратена постапка, го разгледа Предлогот на законот за изменување на Законот за земјоделство и рурален развој.

Вторник, 23 јули 2019 година

Четириесерт и петта седница на Комисијата за транспорт, врски и екологија

Комисијата за транспорт, врски и екологија на Собранието на Република Северна Македонија, на денешната 45. седница, како матично работно тело, по скратена постапка, ги разгледа:

Вторник, 23 јули 2019 година

СРЕДБА НА ПРЕТСЕДАТЕЛОТ ЏАФЕРИ СО НОВОИМЕНУВАНАТА АМБАСАДОРКА НА САД КЕЈТ МAРИ БРНЗ

Претседателот Џафери, упатувајќи и честитки за нејзиното именување на функцијата, изрази надеж за продолжување на одличната соработка со Амбасадата и нејзините претставници, особено поради фактот што САД се наш стратешки партнер со кои негуваме децениски блиски и пријателски билатерални односи. 

Вторник, 23 јули 2019 година

Триесет и седма седница на Комисијата за економски прашања     

Комисијата за економски прашања на Собранието на Република Северна Македонија на денешната 37. седница, како матично работно тело го разгледа Предлогот на закон за изменување и дополнување на Законот за концесии и јавно приватно партнерство, поднесен од пратениците Хари Локвенец, Агим Шаќири, Ристе Ташев, Мирослав Јовановиќ и Анета Симеска Димеска (по скратена постапка).

Вторник, 23 јули 2019 година

Дваесет и втора седница на Комисијата за земјоделство, шумарство и водостопанство

Комисијата за земјоделство, шумарство и водостопанство на Собранието на Република Северна Македонија, на 22. седница, како матично работно тело, во прво читање, го разгледа Предлогот на законот за изменување и дополнување на Законот за основање на Агенцијата за финансиска поддршка во земјоделството и руралниот развој.

Понеделник, 22 јули 2019, КИЦ

ОБРАЌАЊЕ НА ПРЕТСЕДАТЕЛОТ ЏАФЕРИ ПО ПОВОД ПРОМОЦИЈАТА НА КНИГАТА „НАЦИОНАЛНО БОГАТСТВО НА АЛБАНСКИТЕ ИСЕЛЕНИЦИ ВО ШВЕДСКА“ 

На самиот почеток, дозволете да изразам задоволство што денес сме собрани тука на овој културен настан на кој ќе се промовира книгата „Национално богатство на Албанските иселеници во Шведска“, том 10-ти, што само по себе говори за континуитетот и за упорноста со која Здружението на Албански писатели и уметници „Папа Клемент XI Албани“ од Шведска ја реализира својата толку благородна мисија.

Понеделник, 22 јули 2019 година

Јавна расправа:Состојбата со човековите права во казнено-поправните установи 

Во периодот од јули 2018 до јули 2019 година Работната група реализираше посета на три казнено-поправни установи: Затворот КПД Идризово, Затворот КПД Штип и  КПУ Затвор Охрид. Во рамките на посетата се реализираа средби со директорите на наведените казнено-поправните установи, вработените, но исто така се оствари и директен контакт со осудените лица. Согласно член 127 став 3 од Деловникот на Собранието на Република Македонија, работната група подготви Извештај од посетите. 

Понеделник, 22 јули 2019 година

Учество на пратеничката Шпреса Хадри на Конференција на претседателите на комисиите за европски прашања на државите-членки на Европската унија - КОСАК

Во врска со проширувањето, пратеничката Шпреса Хадри, имаше свое излагање во кое го потенцира значењето на процесот на придружување на земјите кандидати за членство во ЕУ, како важен процес за земјите од Западен Балкан, кој е неопходен за стабилност и мир во регионот. Притоа, таа истакна дека придружувањето кон ЕУ е силен мотив и двигател на европските реформи во сите области во регинот. 

Петок, 19 јули 2019 година, Вашингтон

СРЕДБА НА ПРЕТСЕДАТЕЛОТ ЏАФЕРИ СО ДИРЕКТОРОТ НА НДИ ДЕРЕК МИЧЕЛ

Во рамки на учеството на претседателот Џафери заедно со делегацијата од Собранието на Република Северна Македонија на Парламентарниот форум за лидерство во Вашингтон, директорот на Националниот Демократски Институт, г. Дерек Мичел организираше заедничка средба на претставниците на парламентите на сите земји учесници на форумот. На средбата, г. Мичел им даде простор на претставниците на секоја земја поединечно да ја презентираат актуелната ситуација во нивните земји.